Энэ жилийн элсэлтийн ерөнхий шалгалт өнөөдөр Монгол улсын түүх, Физик хичээлийн шалгалтаар эхэллээ.
Боловсролын үнэлгээний төв Монгол Улсын боловсролын салбарын 100 жилийн түүхэнд анх удаа ЭЕШ-д шууд засалтын шилэн технологийг нэвтрүүлсэн.
Өнөөдөр өглөө орон даяар болсон ЭЕШ-ын материалыг шилэн технологиор шууд засах үйл ажиллагаа яг одоо Чингэлтэй дүүргийн Ерөнхий боловсролын 23-р дунд сургууль дээр болж байна.
Энэ жил ЭЕШ-ын зохион байгуулалтад нэгэн том өөрчлөлт орж байгаа нь шууд засалтын шилэн технологийг нэвтрүүлж байгаа явдал юм. Боловсролын үнэлгээний төвөөс шилэн технологи буюу шалгалтын материалыг шууд засалтын машинаар газар дээр нь уншуулаад, дүн оноог арын дэлгэцэд үзүүлж үйл ажиллагааг олон нийтэд танилцууллаа. Уг технологийн давуу тал нь цахим орчныг ашиглаж илүү нээлттэй, ил тод, шуурхай, шударга явуулах зорилготой аж.
Энэ жилийн хувьд 18 мянган шалгуулагч ЭЕШ өгнө гэсэн төлөвтэй байгаа аж. Өнөөдөр 734 сурагч Монгол Улсын Түүхийн хичээлийн шалгалтыг өгчээ. Улсын хэмжээнд нийт 64 төхөөрөмжөөр элсэлтийн ерөнхий шалгалтын материалыг шууд засаж байгаа юм.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
116
2510
2020-05-30