Хамгийн нийтлэг 13 зүүд ба тэдгээрийн тайлал

Нэг хүний нийт амьдралын зургаан жилийг зөвхөн зүүдэнд өнгөрүүлдэг гэж үздэг. Судлаачид зүүд нь далд ухамсрын үйл ажиллагаанд чухал үүрэг гүйцэтгэж, түүний талаар хэрэгтэй мэдээлэл өгдөг гэж үздэг.

Фройдын үзлээр зүүд нь "далд ухамсарт хүрэх зам" бөгөөд энэ нь хүний "эго" хамгаалалтын механизм суларч, нууцлагдсан мэдээлэл гажсан хэлбэрээр ухамсарт гарч ирдэг гэсэн үг юм. Тэрээр зүүдийг судалснаар хүмүүс илүү өөрийгөө таньж мэдэх, амьдралын асуудлуудтайгаа илүү сайн харьцах боломжтой гэж үзжээ.

1. Унаж байгаа зүүд

Унаж байгаа зүүд нь айдас, өөртөө итгэлгүй байдал, амьдралын хяналтаа алдсан мэдрэмжтэй холбоотой байдаг.

Сэтгэл зүйч, доктор Нереида Гонзалез-Берриос хэлэхдээ, "Энэ нь айдас, түгшүүр, амьдралын чухал зүйлсийг алдсантай холбоотой эмзэг мэдрэмжийг илэрхийлдэг."

Хэрэв ийм зүүд давтагдаад байвал энэ нь сэтгэл гутрал, нойрны эмгэг эсвэл сэтгэл зүйн гэмтэл зэрэг гүн шалтгаантай байж болно.

2. Хэн нэгэнд хөөгдөх

Хөөгдөж буй зүүд ялангуяа бага насны хүүхдүүдийн дунд нийтлэг байдаг ба энэ нь бодит амьдрал дээр айдас, стресс эсвэл ямар нэг зүйлээс зугтаж байгаа мэдрэмжтэй холбоотой гэж үздэг.

Хэрэв ийм зүүд тогтмол зүүдлэгдээд байвал амьдралд тань даван туулах асуудал байгааг илтгэж болзошгүй.

3. Үхлийн тухай зүүд

Үхэлтэй холбоотой зүүд нь ихэвчлэн ямар нэгэн өөрчлөлтийг илэрхийлдэг бөгөөд энэ нь жинхэнэ амьдрал дээр үхлийг зөгнөж байгаа гэсэн үг биш юм. Энэ нь ихэвчлэн сөрөг утга агуулаагүй бөгөөд хувь хүний өсөлт, өөрчлөлтийг бэлгэддэг.

4. Олон нийтийн газар нүцгэн байх зүүд

Олон нийтийн газар нүцгэн байгаагаар зүүдлэх нь хамгийн нийтлэг, айдас төрүүлдэг зүүдний нэг юм. 

Ийм зүүд нь далд айдас, ичгүүр эсвэл нуугдмал хүсэл, өөртөө итгэлгүй байдал, өөрийгөө хэрхэн харагдаж байгаад санаа зовниж буйг илэрхийлдэг гэж үздэг. 

5. Төөрч байгаа зүүд

Төөрч будилж байгаа тухай зүүд нь амьдралдаа эргэлзэж буй, тодорхойгүй байдалд орсон мэдрэмжийг илтгэдэг.

Өрнөдийн соёлд ийм зүүд нь айдас, тодорхойгүй байдалтай холбоотой гэж үздэг. Харин Зүүн Азийн соёлд ийм зүүдийг сүнслэг дохио гэж үзэн, амьдралын тодорхой байдалд анхаарах хэрэгтэйг илтгэдэг гэж үздэг.

6. Хэлгүй болох зүүд 

Хэлгүй болж, дуу хоолойгоо гаргаж чадахгүй байх зүүд нь бодит амьдрал дээр хэн нэгэнд үзэл бодлоо илэрхийлж чадахгүй байгааг илэрхийлэх магадлалтай.

7. Шалгалт өгөх зүүд

Шалгалт өгч байна гэж зүүдлэх нь өөртөө өндөр шаардлага тавьдаг, бүтэлгүйтэхээс айдаг хүний дотоод түгшүүртэй холбоотой байж болно.

Түүнчлэн шалгалттай холбоотой зүүд нь заримдаа амьдралд тулгарч буй асар том дарамтыг илтгэдэг. 

8. Хоцорч байна гэж зүүдлэх

Ямар нэг арга хэмжээнээс хоцорч байна гэж зүүдлэх нь бодит амьдрал дээр цаг хугацаа, үүрэг хариуцлагаа зохицуулахад хүндрэлтэй байгааг илтгэнэ.

9. Жирэмсэн байна гэж зүүдлэх

Төрөх тухай зүүд нь хүний амьдралын өөрчлөлт, шинэ хүсэл эрмэлзэл эсвэл өөрчлөлттэй холбоотой байдаг. Хэрэв та жирэмсэн байгаа бол энэ нь энгийн зүүд бөгөөд байнга тохиолддог. Харин жирэмсэн биш бол шинэ санаа, өөрчлөлт эсвэл хувь хүний өсөлтийг бэлгэддэг.

10. Амьтдын тухай зүүд

Амьтадтай зүүд нь хүний дотоод зөн совин, нууцлаг мэдрэмжийг илэрхийлэх нь түгээмэл.

11. Тамирчин хүнтэй уулзах зүүд

Тамирчин хүнтэй уулзах зүүд нь хүний далд хүсэл, зорилго эсвэл өөрийгөө үнэлэхтэй холбоотой байж болно. Энэ зүүд нь таны томоохон амжилттай тэмүүлж буй эсвэл алдартай хүний тухай бодож байгаа явдлыг илтгэдэг.

12. Нисэх зүүд

Нисэж байна гэж зүүдлэх нь эрх чөлөө, амжилт, амьдралынхаа хязгаарыг даван туулахыг бэлгэддэг.

13. Шүд унах зүүд

Шүд унах зүүд нь ихэвчлэн өөртөө итгэлгүй байдал, айдас, томоохон өөрчлөлтийн илэрхийлэл байж болно.