#Dota2 Отгондаваагийн "sanctity-" Сүхбат "Natus Vincere" багийнхаа хамт 1 сая ам.долларын (3.4 тэрбум төгрөг) шагналын сантай "PGL Wallachia Season 3" тэмцээнд оролцоно.
PGL-ээс зохиож буй DOTA2-ын "PGL Wallachia Season 3" тэмцээн Румын улсын нийслэл Бухарест хотод гуравдугаар сарын 8-д эхэлнэ.
Найм хоног үргэлжлэх, 1 сая ам.долларын (3.4 тэрбум төгрөг) шагналын сантай уг тэмцээнд Отгондаваагийн "sanctity-" Сүхбат "Natus Vincere" багийнхаа хамт оролцохоор боллоо.
Тэмцээнд дэлхийн шилдэг 16 баг оролцохоос наймыг нь шууд урьсан бол үлдсэн найм нь бүс бүсийн сонгон шалгаруулалтаас эрхээ авна. Украинд төвтэй Natus Vincere багийн хувьд Зүүн Европын сонгон шалгаруулалтад "One Move", "BanyaPivoSamogon", "NAVI Junior" багуудыг хожиж эрхээ авсан юм.
23 настай О.Сүхбат өнгөрсөн оны гуравдугаар сард Natus Vincere багтай гэрээ байгуулсан ба 11-р сарын дундуур түр хугацаанд багаа солиод эргэн нэгдсэн билээ. Харин Natus Vincere 11-р сард багийнхаа бүрэлдэхүүнийг эрс шинэчилж О.Сүхбатаас бусад тоглогчоо сольсон.
Тэд шинээр Нидерландын 25 настай Инди "Shad" Луб, Чехийн 24 настай Мирослав "BOOM" Бикан болон Украины 20 настай Виталы "QBFY" Иванов, 22 настай Олег "kaori" Медведок нарыг нэгтгэсэн юм.
Гурав дахь удаагийн PGL Wallachia тэмцээн нь үндсэн хоёр шаттай. Эхний шатанд баг бүр 5 удаа тоглож хамгийн өндөр оноо цуглуулсан найм нь хоёрдугаар шат буюу Playoffs-т шалгарна. Playoffs нь "Double Elimination Bracket" систем буюу нэг баг хоёр хожигдож байж тэмцээнээс хасагдах дүрмээр тоглож ялагчийг тодруулна.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
194
7864
2020-03-17