Гадаадын их дээд сургуулийн танилцуулга # Emory University

Жоржиа мужийн Атланта хотод байрладаг Эмори их сургууль нь 1836 онд байгуулагдсан Америкийн топ их сургуулиудын нэг юм. 2022-2023 оны хичээлийн жилл тус сургууль нь шилдэг их сургуулиудын жагсаалтын 24-р байрыг бахархалтайгаар эзэмшиж байна.

Эмори их сургууль нь одоогоор 7,452 бакалаврын оюутантай. Тус сургууль нь хатуу стандартыг баримталдаг бөгөөд жил бүр өргөдөл гаргагчдын зөвхөн 13 хувь нь тэнцдэг.

Тус кампуст 400 гаруй оюутны  байгууллага, клуб  ажилладаг нь сонирхсон чиглэлээр ажиллах, туршлага хуримтлуулах боломжийг олгодог. Хэдийгээр оюутны хотхонд амьдрах хатуу шаардлага тавьдаггүй ч олон оюутан дотуур байранд амьдрахыг сонгодог. Эморигийн нэр хүндтэй төгсөгчдийн тоонд АНУ-ын яруу найрагч асан Наташа Третвей, ерөнхийлөгч асан Жимми Картер, жүжигчин Жулиа Робертс нар багтдаг.

Эмори их сургууль нь оюутнуудад зориулсан 77 өөр мэргэжлээр олон төрлийн эрдэм шинжилгээний сонголтуудыг санал болгодог. Бизнес, биологи, сэтгэл судлал, эдийн засаг, улс төрийн шинжлэх ухаан зэрэг нь хамгийн эрэлттэй байдаг.

Их сургуулийн чансаа:

• Бизнес №9
• Биологи №16
• Сэтгэл судлал№19
• Эдийн засаг #22
• Улс төрийн шинжлэх ухааны №26

Эмори нь Глобал Эрүүл Мэндийн Хүрээлэн зэрэг олон салбартай хамтын ажиллагааг хэрэгжүүлдгээрээ онцлог. Гойзуэта бизнесийн сургууль, Роллинсын Нийгмийн эрүүл мэндийн сургуулийн орчин үеийн тоног төхөөрөмж нь оюутнуудад судалгаа шинжилгээ, эрдэм шинжилгээний ажилд нь онцгой нөөцөөр хангадаг.

Эморигийн нэг онцлог нь оролцоог чухалчилдаг явдал. Дьюкийн их сургуультай ижил төстэй философийн дагуу Эмори оюутнуудыг гадаадад суралцах хөтөлбөр, дадлага, судалгааны ажилд оролцохыг уриалж, тэдний хэтийн төлөвийг өргөжүүлдэг.

Тус их сургууль нь 8:1-ийн оюутан, багш нарын харьцаатай. Ангиудын 60 гаруй хувь нь 20-иос цөөн сурагчтай бөгөөд энэ нь багш нар сурагчидтайгаа тулж харьцахад нь эерэгээр нөлөөлдөг байна.

Оюутнуудын 91% нь эрдмийн зэргээ амжилттай дүүргэдэг. Төгсөгчид ажлын байрны өрсөлдөөнт зах зээлд сайн бэлтгэгдсэн байдаг бөгөөд дундаж цалин 80,000 доллароос эхэлдэг.

Сургалтын төлбөр 53,804 ам.доллар байхад байр болон бусад хэрэгцээт зүйлс зэрэг нэмэлт зардал 16,070 ам.доллар болно. Их сургууль нь хүртээмжтэй байхыг эрмэлзэж, санхүүгийн найдвартай тусламж, тэр дундаа зохих оюутнуудын сургалтын төлбөрийн 100% хүртэл тэтгэлэг олгодог.

Эх сурвалж: US.news