12-14 насандаа бие даах чадварт илүү суралцдаг

Энэ нас бол бие махбодь, оюун ухаан, сэтгэл хөдлөл, нийгмийн харилцааны олон өөрчлөлтийн үе юм. Бэлгийн бойжилт эхлэхэд дааврууд өөрчлөгддөг. Ихэнх хөвгүүдийн нүүрэнд сахал, эрхтэнд үс ургаж, дуу хоолой нь бүдүүрнэ.  

Охидод үс, хөх ургаж, сарын тэмдэг ирж эхэлдэг. Тэд эдгээр өөрчлөлтүүд болон бусад хүмүүс тэднийг хэрхэн харж байгаад санаа зовж эхэлнэ. Архи, тамхи, мансууруулах бодис хэрэглэх, бэлгийн хавьталд орох зэргээр үе тэнгийнхнийхээ дарамттай нүүр тулах үе байж болно. 

Мөн хооллолттой холбоотой эмгэг, сэтгэл гутрал, гэр бүлийн асуудал зэрэгтэй тулгарч болно. Энэ насанд өсвөр насныхан найз нөхөд, урлаг спорт, цаашид суралцах сэдэв чиглэлийг өөрөө сонгож эхэлнэ. Эцэг эх нь хэдийгээр чухал хэвээр байгаа ч тэд аливаад хандахдаа өөрийн үзэл бодол, сонирхлыг даган илүү бие даасан байдалтай болдог.

Энэ насны хүүхдүүдийн сэтгэл хөдлөл нийгмийн өөрчлөлтүүд

• Гадаад төрх, харагдах байдал, хувцаслалтад маш их анхаардаг болсон байна.
• Өндөр хүлээлт ба өөртөө итгэлгүй байдлын хооронд эргэлдэнэ.
• Маш их сэтгэл хөдлөлтэй.
• Үе тэнгийнхэндээ танигдсан, тэдний дунд нөлөөтэй байхыг хүснэ.
• Эцэг эхдээ хайраа бага илэрхийлдэг; заримдаа бүдүүлэг эсвэл элдэв илүү ааштай болсон ч юм шиг санагдахаар болдог.
• Хүч чадал шаардсан хичээл даалгаварт бухимддаг.
• Эрүүл зөв хооллолттой холбогдох асуудал хүндэрч мэднэ.
• Сургуульдаа муу дүн авах, архи, тамхи, мансууруулах бодис хэрэглэх, аюултай бэлгийн харьцаанд орох болон бусад асуудал тулгарвал маш их гуниглаж сэтгэлээр унана.

Эцэг эх, асран хамгаалагчдад зориулсан зөвлөмж

• Мансууруулах бодис, архи, тамхи, секс зэрэг эмзэг сэдвийн талаар ярихдаа өсвөр насны хүүхэдтэйгээ шударга, илэн далангүй ярилцаарай.
• Найзуудтай нь уулзаж танилцаарай.
• Сургуулийн амьдралыг сонирхож байгаагаа харуулна.
• Хүүхдэдээ эрүүл сонголт хийхэд нь тусалж, түүнийг өөрөө шийдвэр гаргахад нь урамшуулаарай.
• Үзэл бодлыг нь хүндэтгэж, түүний бодол санаа, мэдрэмжийг харгалзан үзээрэй. Та түүнийг сонсож буйг тэр мэдэж байх нь чухал.
• Өнгөц харахад их энгийн юм шиг зүйл (тухайлбал, хичээлдээ сайн дүн авах эсвэл аливааг цэвэр байлгах, бусдад хүндэтгэл үзүүлэх, гэх мэт) зөрчилдөөн үүсгэж болно. Энэ тохиолдолд зорилго, хүлээлтийн талаар тодорхой санал зөвлөмж бэлдэж, санал солилцох маягаар ярьж байх нь чухал юм.

Эх сурвалж: childrensneuropsych.com