Gaiming Gladiators 2023 оны гурван major-т дараалан түрүүллээ

• Dota 2-ын оны сүүлийн major-т баруун Европын Gaimin Gladiators түрүүллээ
• Gaimin Gladiators гурван major дараалан түрүүлсэн бол Team Liquid гурав дараалан финалдлаа
• TI-д оролцох эхний 12 багийн нэр тодорлоо

Dota 2-ын 2023 оны дэлхий аварга шалгаруулах тэмцээний эрх олгох сүүлийн тэмцээн "Bali major" Индонезод боллоо. Тус тэмцээнд олон орны тоглогчдоос бүрдэх "Gaimin Gladiators" баг түрүүлэв.

Энэ онд гурван major тэмцээн зохиогдсон бөгөөд ийнхүү бүгдэд нь баруун Европын төлөөлөл Gaimin Gladiators түрүүлж 2016-2017 оны "OG" багийн major-т гурав дараалан түрүүлсэн амжилтыг давтлаа.

Нидерландын Мелчиор "Seleri" Хилленкамп ахлагчтай Германы Эрик "tOfu" Энгел, Данийн Маркус "Ace" Хоелгаард, АНУ-ын Күин "Quinn" Калаххан, Оросын Антон "dyrachyo" Шкредов нарын бүрэлдэхүүнтэй Gaimin Gladiators-ыг хожих баг 2023 онд байсангүй.

• Лима мажорт баруун Европчууд хошуучилж, Gaimin Gladiators аваргаллаа
• ДОЛООДУГААР САРЫН СПОРТ: CSGO, Dota 2, 3х3-ын мастерсууд
• Монголын гурван тоглогч DPC-ийн дээд лигт тоглоно

Тэдний эсрэг тэмцэж чадсан ганц баг байсан нь мөн баруун Европын төлөөлөл "Team Liquid" байв. Тэд энэ оны гурван major-ын финалд гладиаторуудыг сөрсөн ч амжилт олоогүй. Тодруулбал өвлийн "Lima Major"-ын гранд финалд 3-0, хаврын "ESL One Berlin Major"-ын гранд финалд 3-1 харьцаагаар ялагдсан бөгөөд энэ удаагийн гранд финалд мөн 3-1 харьцаагаар хожигдсон.

Ийнхүү оны сүүлийн major өндөрлөж ДАШТ буюу The International 2023-д оролцох эхний 12 багийн нэр тодров. Харин үлдсэн найман баг нь бүсийн сонгон шалгаруулалтаас тодорно. Тодруулбал баруун Европ болон Өмнөд Америкаас хоёр, Зүүн өмнөд Ази, Хятад, Зүүн Европ, Хойд Америкийн бүсээс тус бүр нэг баг TI-д оролцох эрх авна.