Японы магистр, докторын хөтөлбөрт суралцуулах ТЭТГЭЛЭГИЙГ ЗАРЛАЛАА

YOLO.mn | YOLO.MN
2018-08-15

“Хүний нөөцийг хөгжүүлэх JDS тэтгэлэгт хөтөлбөр” -ийн 2018 оны бүртгэлийг энэ сарын 13 (даваа) -ны өдрөөс эхлэн зарлалаа. Өргөдлийн маягт хүлээж авах эцсийн хугацаа: 10-р сарын 19 (Баасан).

Хүний нөөцийг хөгжүүлэх JDS тэтгэлэгт хөтөлбөр нь хөгжиж буй орнуудын нийгэм, эдийн засгийн хөгжилд гар бие оролцох, ирээдүйд чухал үүрэг гүйцэтгэх залуу төрийн албан хаагчдыг Япон Улсын их, дээд сургуулийн магистр, докторын түвшний хөтөлбөрт суралцуулах замаар мэргэшүүлэн бэлтгэж, төгсөөд өөрийн улсад тулгарч буй нийгэм, эдийн засгийн хөгжлийн асуудлыг бодитоор шийдвэрлэхэд хувь нэмэр оруулах, цаашлаад Япон хүмүүстэй харилцаа холбоо тогтоон, ирээдүйд хоёр улсын түншлэлийг бэхжүүлэх зорилттой.

Энэ жил JDS хөтөлбөрөөр төрийн байгууллагаас 18 хүн, хувийн хэвшлээс (Зөвхөн Япон хэл дээр) 2 хүн, нийт 20 магистр оюутан, мөн дээд тал нь хоёр доктор оюутныг сонгоно.

Энэ хөтөлбөр 1999 оноос шинээр хэрэгжиж эхэлсэн, буцалтгүй тусламжийн хөтөлбөр юм. Өдгөө Зүүн Өмнөд Азийн орнууд зонхилсон 15 улсад хэрэгжиж, 2017 оны байдлаар нийт 3,970 гаруй залуус Япон улсад суралцжээ.

Энэхүү хөтөлбөр Монгол улсад 2001 оноос хэрэгжиж эхэлсэн ба өнөөг хүртэл нийт 320 оюутан залуус Япон улсад суралцсан. Үүнээс 262 оюутан төгсөж ирээд Засгийн газрын холбогдох байгууллагууд, их дээд сургуулиуд, Төв банк зэрэгт ажиллаж байна.

Энэ жил JDS хөтөлбөрөөр төрийн байгууллагаас 18 хүн, хувийн хэвшлээс (Зөвхөн Япон хэл дээр) 2 хүн, нийт 20 магистр оюутан, мөн дээд тал нь хоёр доктор оюутныг сонгон шалгаруулж, Япон улсын их, дээд сургуульд илгээж, тус тусын мэргэжлээр Англи хэл дээр (Магистр: 2 жил, Доктор: 3 жил) суралцах болно. Суралцах чиглэлийг дараах хүснэгтээс харна уу.

Салбар чиглэлүүд болон хүлээн авах их дээд сургуулиуд

Дэд Хөтөлбөр (Тэргүүлэх чиглэл)	Бүрэлдэхүүн хэсэг	Хүлээн авах Их сургууль, тэнхим	Хүлээн авах хүний тоо
Дэд Хөтөлбөр (Тэргүүлэх чиглэл)	(Хөгжлийн Асуудал)	Хүлээн авах Их сургууль, тэнхим	Хүлээн авах хүний тоо
1. Уул уурхайн салбарын тогтвортой хөгжил ба удирдлагыг бэхжүүлэх	1-1 Байгаль орчинд ээлтэй эрдэс баялгийн менежмент	Цукубагийн Их Сургууль Амьд байгаль, хүрээлэн буй орчин судлалын тэнхим	2 хүн
	1-2-1 Санхүүгийн менежмент, санхүүгийн бодлогыг бэхжүүлэх	Сайтамагийн Их Сургууль Хүмүүнлэг, нийгмийн ухаан судлалын тэнхим	3 хүн
	1-2-2 Хууль, эрх зүйн тогтолцоог сайжруулах	Кюүшүгийн Их Сургууль Хуулийн тэнхим	2 хүн
2. Бүх нийтэд хүртээлтэй хөгжлийн хэрэгжилтэнд чиглэсэн тусламж	2-1 Бизнес эрхлэх орчныг сайжруулах	Хирошимагийн Их Сургууль Олон улсын хөгжил, хамтын ажиллагааны тэнхим	2 хүн
		Олон Улсын Их Сургууль Олон улсын менежментийн тэнхим	2 хүн
		* Хувийн хэвшил Хоккайдогийн Их Сургууль** Эдийн засаг, бизнесийн удирдлагын сургууль	2 хүн
	2-2 Олон нийтийн бодлого боловсруулалт	Олон Улсын Их Сургууль Олон улсын харилцааны тэнхим	3 хүн
3. Улаанбаатар хотын чадавхийг бэхжүүлэхэд чиглэсэн тусламж	3-1 Хөгжлийн инженерчлэл	Нагояагийн Их Сургууль Хүрээлэн буй орчин судлалын тэнхим	2 хүн
3. Улаанбаатар хотын чадавхийг бэхжүүлэхэд чиглэсэн тусламж	3-2 Хотын хүрээлэн буй орчныг сайжруулах бодлого боловсруулалт	Цүкүбагийн Их Сургууль Амьд байгаль, хүрээлэн буй орчин судлалын тэнхим	2 хүн

Монгол-Японы хүний нөөцийн хөгжлийн төвд энэ сарын 20 (Даваа), 25 (Бямба), 9-р сарын 7 (Баасан), 9 (Ням), 13 (Пүрэв)-ны өдрүүдэд элсэлтийн танилцуулга семинар болно. Ажлын өдрүүдэд 18:30-аас, амралтын өдрүүдэд 11:30-аас зохион байгуулна. Мөн хүсэлт гаргасан байгууллагуудад зохион байгуулах төлөвлөгөөтэй байна.

JDS хөтөлбөрийн тухай дэлгэрэнгүй мэдээллийг http://jds-scholarship.org/ цахим хуудаснаас, эсвэл JICE JDS Төслийн Монгол дахь Оффисоос авах боломжтой юм байна.