Гавел хэмээх Герман овчаркийг бяцхан гөлөг байхаас нь цагдаагийн нохой болгох зорилгоор авч сургажээ. Гэтэл тэрээр маш эелдэг нохой болж өссөн нь түүнийг ажлаасаа халагдахад хүргэсэн сонирхолтой нэгэн хэрэг гараад байна.
Учир нь Гавел маш нийтэч, цагдаа нартай хамтарч ажиллаад гэмт хэрэгтнүүдийг баривчлах биш эсрэгээр нь тэдэнтэй нөхөрлөж тоглож ажлаа зохих ёсоор нь хийдэггүйгээсээ болж хууль сахиулах байгууллагаасаа халагджээ.
Гэхдээ юм үүгээр дуусах биш Гавелд шинэ ажлын санал иржээ. Тэрээр одоо Квинсланд мужийн захирагчийн дэргэдэх төрийн албан хаагч нохой болжээ. Түүний үндсэн ажил нь Квинсландын Захиргааны байранд ирж буй зочдыг хүлээн авах, тэр бүү хэл захирагч Пол Де Жерсигийн хамт ажлын арга хэмжээнүүдэд оролцох юм.
Тэрээр "Гавел бол үнэ цэнэтэй, бидний хайрлаж хүндэлдэг нэгээхэн хэсэг юм. Тэр бидэнтэй удаан хугацаанд хамт байгаасай гэж хүсэж байна" хэмээн сэтгэгдлээ хуваалцжээ.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
4
851
2022-07-07