Нийслэлийн ерөнхий боловсролын "Оюуны ундраа" сургуулийн сурагчид "Тусгаар тогтнол" шүлгийг Сүхбаатарын талбай болон 21 аймаг бүрийн төв талбайд өнөөдөр буюу 2025 оны 4 дүгээр сарын 04-ний өдрийн 11:40 цагаас уншина.
Дэндэвийн Пүрэвдоржийн “Тусгаар тогтнол” шүлгийг жил бүрийн дөрөвдүгээр сарын эхний долоо хоногт ЕБС-ийн сурагчид уншиж, эх оронч сэтгэл, тусгаар тогтнолын ухагдахууныг шүлгээр дамжуулан илэрхийлдэг билээ.
Энэхүү уламжлал болоод буй арга хэмжээг анх 2016 онд ерөнхий боловсролын "Оюуны ундраа" сургууль санаачлан зохион байгуулж тус сургуулийн 3333 сурагч Сүхбаатарын талбай дээр уншиж байв.
Тус сургуулиас энэхүү арга хэмжээг үндэсний хэмжээний хөтөлбөр болгохоор зорьж байгаа бөгөөд энэ удаа зөвхөн нийслэлд төдийгүй 21 аймгийн төв талбайд тус шүлгийг нэг цагт, нэгэн зэрэг уншихаар төлөвлөөд байгаа юм.
Ерөнхий боловсролын "Оюуны ундраа" сургуулийн ахлах ангийн сурагчид баг болон 21 аймагт очоод байна. Тус сургуулийн сурагчид манлайлан, орон нутгийн сурагчидтай нэгдэн "Тусгаар тогтнол" шүлгийг аймгуудын төв талбайд уншина.
Арга хэмжээг дараа жил манлайлан зохион байгуулах аймгаар Их эзэн Чингис хааны өлгий нутаг Хэнтий аймгийг сонгожээ.
"Тусгаар тогтнол" шүлгийг монголын хүүхэд бүр мэддэг байх ёстой.
Монголын өв соёл, эх хэл, эх орон энэ шүлгэнд бүхлээрээ шингэсэн тул ирээдүй хойч үедээ Монгол Улсын тусгаар тогтнол, эрх чөлөөний үнэ цэн, утга учрыг ойлгуулах, өнгөрсөн одоо ирээдүй үеийн оюун санааны нэгдлийг хангах, эх оронч үзлийг төлөвшүүлэх, эх хэлний соёлыг өвлүүлхэд хөтөлбөрийн зорилго оршиж байна.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
128
2242
2021-09-08