#Сагсанбөмбөг эхний тоглолтдоо Малайзын багийг хожсон тэд энэ удаа Индонезын багтай тоглоно.
FIBA-аас зохиодог сагсан бөмбөгийн Азийн аваргуудын лигийн (BCL Asia) Зүүн бүсийн урьдчилсан шатны тэмцээн үргэлжилсээр байна.
Тэмцээний "А" хэсэгт багтсан, Монголын Үндэсний Дээд лигийн 2023-2024 оны улирлын дэд байр "Бишрэлт Метал/Bishrelt Metal" баг хоёр тоглолтоо маргааш буюу дөрөвдүгээр сарын 5-ны 20:00 цагаас хийнэ.
Тэд Индонезын нийслэл Жакарта хот дахь "Pelita Jaya Basketball" багийн "PJ Arena GMSB Kuningan" цэнгэлдэхэд тоглоно.
Индонезын баг эхний тоглолтоо гуравдугаар сарын 27-д Малайзын "NS Matrix Deers" багийг 82-88 харьцаагаар хожсон бол Бишрэлт Метал баг гуравдугаар сарын 25-д мөн NS Matrix Deers багийг 86-98 харьцаагаар илүүрхсэн юм.
А хэсгийг одоогоор NS Matrix Deers баг гурав тоглож гурав хожигдсон 3 оноотой тэргүүлж байгаа бол тус бүр нэг тоглож нэг удаа хожсон Бишрэлт Метал, Pelita Jaya Basketball, Тайванийн "Taoyuan Pauian Pilots" багууд удаалж байна.
Тэмцээний "B" хэсгийн тоглолтууд хараахан эхлээгүй байна. Тус хэсэгт Монголын "Хасын Хүлэгүүд/Broncos" баг багтаж буй.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
570
5481
2021-11-30