Харилцаандаа аз жаргалтай байдаг хосуудын нийтлэг шинжүүд

Эдгээрийг мэдсэнээр оюун санаа болон өөрийгөө сайжруулахад, өөрийн харилцаагаа аз жаргалтай болгох боломжтой.

1. Нээлттэй ба үнэнч харилцаа 

Тэд сэтгэл, бодол, хүсэл эрмэлзэлээ илэрхийлэхдээ нээлттэй байдаг. Гэхдээ үр дүнтэй харилцаа зөвхөн ярьж, сонсохоос хамаарахгүй. Энэ нь ойлголт болон хүндлэлтэй холбоотой. 

Сэтгэл зүйч Карл Р. Роджерс хэлэхдээ "Хэн нэгэн таныг үнэхээр сонсож, тааламжгүй сэтгэгдэлгүйгээр, таныг өөрчлөх гэж оролдохгүйгээр сонсох нь үнэхээр сайхан мэдрэмж юм!" гэжээ.

Аз жаргалтай хосууд зөвхөн сонсохгүйгээр харин үнэхээр ойлгохыг хичээдэг.

2. Тэд хамтдаа чанартай цагийг өнгөрөөдөг

Зөвхөн нэг өрөөнд байж байхын оронд хамтдаа ямар нэг зүйл хийхийг илүүд үздэг. Хоол хийх, алхах, эсвэл сайхан кино үзэх гэх мэт. Хамт өнгөрөөсөн цагийн хэмжээ биш, харин тэр цагийг хэрхэн өнгөрүүлдэг нь чухал юм.

Сэтгэл зүйч Жон Готтман "Хамгийн их хэрэгтэй үед нь туслах нь хайртай байх хамгийн том шинж тэмдэг юм. Бидний хамт байх нь 24/7 байх тухай биш, харин чухал мөчүүдэд байх тухай юм" гэжээ.

3. Тэд уучлал үзүүлдэг Бид үнэнч байж чадах уу?

Тиймээ, хэн ч төгс биш. Бид бүгд алдаа гаргадаг. Жинхэнэ аз жаргалтай хосуудын ялгагдах зүйл нь уучлал үзүүлэх чадвартай байдаг. Уучлал үзүүлэх явцад аз жаргалтай хосууд өнгөрсөн гэмтлүүдээ орхиж, хамтдаа илүү сайн ирээдүйг бүтээхэд төвлөрдөг.

4. Тэд талархдаг ба үнэлдэг

Өөрийгөө үнэлүүлж, талархал хүлээх нь хүний үндсэн хэрэгцээ юм. Бид үнэлэгдэж байвал харилцаагаа илүү сайнаар мэдэрдэг. Жинхэнэ аз жаргалтай харилцаатай хүмүүс үүнийг ойлгодог.

Жоржийн их сургуулийн судалгаагаар гэр бүлийн чанарын хамгийн өндөр үзүүлэлт нь хосуудын бие биеэ үнэлэх чадвар байсан гэж тодорхойлсон.

5. Тэд бие биенийхээ ялгааг хүндэтгэдэг

Бидний сонирхол, хобби, зан чанар ер юугаараа ч адилгүй ч байж болно.

Аз жаргалтай хосууд өөрсдийгөө  хоёр өөр хувь хүн гэдгийг ойлгодог. Тэд эдгээр ялгааг хүндэтгэж, үнэлж, мэддэг учраас эдгээр ялгаа нь харилцааг илүү баялаг, олон талт болгодог гэдгийг ойлгодог.

Тэдний ойлголтоор харилцаа нь өөрийгөө алдах тухай биш, харин бие биенийхээ ялгааг хадгалан хамт өсөх тухай юм.

Тэд бие биенийхээ ялгааг зөвхөн тэвчиж, хүлээн зөвшөөрдөггүй, харин энэ ялгааг хайрлаж, хүндэтгэдэг.

6. Бие биедээ зай өгдөг

Жинхэнэ аз жаргалтай харилцаатай хүмүүс харилцан бие биедээ зай өгөх нь чухал гэдгийг ойлгодог.

Хэдийгээр хамтдаа чанартай цагийг өнгөрүүлэх нь чухал ч гэлээ өөртөө цаг гаргах бас шаардлагатай. Энэ нь хамтын амьдрал ба хувь хүний амьдралыг тэнцвэртэй хадгалах тухай юм.

Тэд нэг нэгнээ эзэмшихгүй, харин орон зайг өгч, өөрийн сонирхол, найзуудтайгаа цагийг өнгөрүүлэх, эсвэл ганцаараа өнгөрөөх хугацаа авах шаардлагатай үед нь холдож чаддаг.

Сэтгэл зүйч Эсфэр Перел: "Бидний хамтын байх хэрэгцээ нь тусдаа байх хэрэгцээтэй зэрэгцэн оршдог."

7. Эерэг хандлага

Жинхэнэ аз жаргалтай харилцаатай хүмүүс сайн сайхныг харахыг сонгодог. Тэд хайртыгаа болон харилцаагаа эерэгээр харахыг хичээдэг.

Тэд сорилт бэрхшээлийг өсөх боломж гэж үздэг бөгөөд хамтрагчийнхаа алдаа дутагдлыг ойлгож, энэрэнгүй байдлаар хардаг.

Нээлттэй харилцаа, чанартай цаг өнгөрөөх, уучлал үзүүлэх, талархал илэрхийлэх, ялгааг хүлээн зөвшөөрөх, орон зай өгөх, эерэг хандлага хадгалах – эдгээр нь зөвхөн аз жаргалтай хосуудын шинж тэмдгүүд биш, харин аз жаргалтай харилцаатай хүмүүсийн өдөр бүр хийх сонголтууд юм.

Аз жаргал бол бидний хүрэх газар биш, харин бидний өдөр тутам хийх сонголт, үйлдлүүдийн аян юм.

Эх сурвалж: Hackspirit