"Кикигийн хүргэлтийн үйлчилгээ" номын тэмдэглэл

“Номын ертөнц” клубээс санаачлан жил бүр зорилтот уншигчдад чиглэсэн 50 номын жагсаалтыг зарладаг билээ.

Энэ жилийн тухайд “Амьтдын тухай 50 ном”-ын тэмдэглэлийн уралдаанд нийслэл болон орон нутгийн ерөнхий боловсролын сургуулиудын 1-12-р ангийн 1500 гаруй суралцагч бүтээлээ ирүүлсэн байна. 

Бүтээлч тэмдэглэлийн уралдааны 3-р байрын шагналт "Сант" сургуулийн 4а ангийн сурагч Б.Есүй "Кикигийн хүргэлтийн үйлчилгээ" номын тэмдэглэл  

"Кикигийн хүргэлтийн үйлчилгээ" роман

"Амьтдын тухай 50" номын нэгээр нэрлэгдсэн "Кикигийн хүргэлтийн үйлчилгээ" номыг зохиолч Кадоно Ээкогийн 1985 онд бичжээ.

Тус зохиолоос сэдэвлэн Studio Ghibli анимэйшн бүтээл болгосныг бид андахгүй. 7-оос дээш насны хүүхдүүдэд зориулсан тус адал явдалт зохиол нь хүүхдийн номын зохиолчид олгодог хамгийн алдартай шагнал болох Ханс Кристиан Андерсаны нэрэмжит шагналын эзэн юм.

Шулам болохоор бэлтгэгдэж буй Кики охин аливаа сорилтод үргэлж бэлэн байдаг. Тэр 13 нас хүрмэгцээ шулам болох эсэхээ шийдэн, уламжлал ёсоор гэрээсээ явж, нэг ч шулам амьдардаггүй хот, тосгоныг хайж олоод бие даан амьдрах ёстой билээ.

Түүний онцгой ид шид энэ хотын хүмүүст аз жаргал авчирна хэмээн итгэж Корико нэртэй далайн эрэгт байрлах хотыг сонгон амьдрахаар болдог.

Гэвч хотын иргэдийн түүнд итгэх итгэл нь төсөөлж байснаас бага байлаа. Аз болоход түүний хөгжилтэй, найдвартай Жижи муур түүнтэй хамт аялалд гарсан бөгөөд тэдний аялал төсөөлшгүй сонин содон үйл явдлаар дүүрэн ажээ.