Эдгээр гүн ухааныг хэрэгжүүлэхийн тулд та буддын шашинтан болох эсвэл хэдэн цаг бясалгах шаардлагагүй.
1) Бодит байдлыг хүлээн зөвшөөрөх
Буддагийн сургаалын гол сэдэв бол бодит зүйлийг хүлээн зөвшөөрөх явдал юм. Энэ нь бид илүү сайн нөхцөл байдлын төлөө хичээж, чадах зүйлээ өөрчлөхгүй гэсэн үг биш юм.
Үүний оронд амьдрал тодорхой бус байдал, өөрчлөлт, төгс бус байдлаар дүүрэн гэдгийг ойлгох явдал юм.
Будда ихэвчлэн "зовлон" хэмээх ойлголтын талаар байнга ярьдаг. Энэ нь зөвхөн бие махбодын болон сэтгэл санааны өвдөлтийн тухай биш юм. Энэ нь бидний хүссэнээр биш амьдралаас үүдэлтэй сэтгэл ханамжгүй байдал юм.
Буддагийн хэлснээр дотоод амар амгаланг олох түлхүүр бол амьдралыг төгс болгохыг оролдох биш амьдралыг байгаагаар нь - бүх сайн, муутайг нь хүлээн зөвшөөрч, үүнийг хүлээн зөвшөөрснөөр амар амгаланг олох явдал юм.
Бодит байдлыг эсэргүүцэлгүйгээр хүлээн зөвшөөрч сурах нь дотоод амар амгаланг гүн гүнзгий мэдрэхэд тусалдаг.
2) Өнөөдрөөрөө, одоо цагтаа амьдрах
Будда тухайн цаг мөчдөө байхын чухлыг онцлон тэмдэглэсэн байдаг. Бид үргэлж ирээдүйн талаар санаа зовж, өнгөрсөнд харамсаж, дараагийн алхмаа төлөвлөж, хараахан болоогүй зүйлсийн талаар стресст ордог. Бид үргэлж оюун ухаандаа өөр газар байсан болохоор амьдралаа маш их алддаг. Өглөөний кофегоо яаруу сандруу залгилахын оронд жинхэнэ утгаар нь амтлах, эсвэл чихэвчний оронд алхаж байхдаа байгалийн чимээг мэдрэх гэх мэт энгийн алхмуудаас эхэлж болно.
Зүгээр л энд, одоо дээрээ анхаарлаа төвлөрүүлснээр амар амгалан, сэтгэл ханамжийг мэдэрнэ.
3) Энэрэн нигүүлсэхүйн хүч
Энэрэн нигүүлсэхүй бол Буддагийн сургаалын гол зарчим юм.
Энэ нь зүгээр нэг өрөвдөх сэтгэл биш юм. Энэ нь бусдын зовлон шаналалыг чин сэтгэлээсээ ойлгож, тэдний зовлонг хөнгөвчлөх чин хүсэл эрмэлзэлийг агуулах ёстой.
Судлаачид биднийг энэрэн нигүүлсэхүйн үед тархинд окситоцин гэх мэт "сайхан мэдрэмж төрүүлэх" даавар үйлдвэрлэгдэж, эндорфин ялгаруулдаг болохыг олж мэдсэн.
Будда энэрэн нигүүлсэхүйг төлөвшүүлснээр бид бусдад туслаад зогсохгүй, дотоод сэтгэлийн амар амгаланг бий болгодог гэж үздэг.
4) Орхих
Буддагийн хамгийн хүчирхэг сургаалуудын нэг бол орхих урлагийн тухай юм.
Хүмүүс, юмс эсвэл үр дүнд нь зууралдах нь зовлонгийн гол эх үүсвэр. Амьдрал түр зуурынх. Хүмүүс өөрчлөгдөж, бүх зүйл өөрчдөгддөг, үр дүн нь ихэвчлэн бидний хяналтаас гадуур байдаг.
Бид зууралдах үедээ урам хугарах, шаналдаг. Хэрэв та харилцаа холбоо, хорсол, хүлээлт гэх мэт ямар нэг зүйлээс зууралддаг бол салах талаар бодоорой. Ингэснээр амар амгаланг олох болно.
5) Өршөөл
Буддагийн сургаал өршөөлийн ач холбогдлыг онцлон тэмдэглэдэг.
Уур уцаар, дургүйцлээ тэвчих нь өөр хэн нэгэн рүү шидэхийн тулд халуун нүүрс барьж байгаатай адил гэвч чи л шатдаг.
Өшөө хорсол, дургүйцэл бидний зүрх сэтгэлд хүнд дарамт болж, амар амгалан, баяр баясгаланг булаадаг.
Гэхдээ уучлал нь энэ ачааг хөнгөлж чадна. Уучлал нь амар байдаггүй ч уучилсны эцэст та амар амгаланг төдийгүй эрх чөлөөг олж авах болно. Таны олж авах дотоод амар амгалан бол үнэлж баршгүй юм.
6) Мөнх бус байдлыг хүлээн зөвшөөрөх
Мөнх бус байдал нь Буддагийн сургаалийн гол ойлголт юм. Амьдралд юу ч мөнх байдаггүй - сайн цаг, муу цаг үе. Бүх зүйл байнга өөрчлөгдөж байдаг.
Бид ямар ч гарцгүй мухардалд орсон үедээ ч энэ үе өнгөрнө гэдгийг ойлгоорой. Энэ нь хэцүү үеийг даван туулахад тусална.
Хүнд хэцүү цаг үедээ, тэр ч байтугай сайхан үедээ ч мөнх бус байдлын мөн чанарыг өөртөө сануулж байгаарай.
Мөнхийн бус гэсэн ойлголтыг хүлээн авснаар дотоод амар амгаланг гүн гүнзгий мэдрэх болно.
7) Талархлыг төлөвшүүлэх
Талархал бол Буддагийн сургаалд байнга давтагддаг сэдэв юм. Бидэнд байхгүй зүйлээ байнга анзаарахын оронд байгаа зүйлээ хүлээн зөвшөөрч, үнэлж байхын чухлыг тэрээр онцолсон.
Дутагдалд анхаарлаа хандуулдаг энэ ертөнцөд талархал илэрхийлэх нь биднийг өөрчлөх хүчтэй арга юм.
Өөрт байгаа зүйлээ үнэл. Энэ нь таны нүүрэнд туссан нарны илч, амттай хоол, сайн найзын хайр гэх мэт энгийн зүйл байж болно. Талархлыг хөгжүүлснээр бид амьдралдаа илүү амар амгалан, баяр баясгалантай болж чадна.
8) Дотоодын аялал
Буддагийн сургаалаар амар амгаланд хүрэх арга бол дотоод сэтгэл юм. Бид ихэнхдээ ололт амжилт, эд хөрөнгө эсвэл бусад хүмүүсээс амар амгаланг хайдаг. Гэвч Будда жинхэнэ амар амгаланг дотроос бий болгодог гэдэг.
Өөрийн дотоод ертөнцийг судлаарай. Өөрийн бодол санаа, сэтгэл хөдлөл, хүслээ ойлго.
Энэхүү эрэл хайгуулаар та жинхэнэ дотоод амар амгаланд хүрэх замыг олох болно.
139
1801
2021-11-01