Элвис, Присцилла Пресли нарын охин, дуучин, ая зохиогч Лиза Мари Пресли таалал төгсчээ. Тэрбээр 54 настай байсан юм.
"Үзэсгэлэнт охин Лиза Мари биднийг орхин одсон тухай гашуун мэдээг би та бүхэнтэй хуваалцах хэрэгтэй боллоо" гэж ээж Присцилла Пүрэв гарагийн орой мэдээлжээ.
Тэрбээр "Тэр бол миний мэдэх хамгийн их хүсэл тэмүүлэлтэй, хүчтэй, хайраар дүүрэн эмэгтэй байсан. Бид энэхүү нөхөж баршгүй гарз, уй гашууг даван туулахын тулд хувийн орон зайгаа чухалчлахыг хүсэж байна. Хайр, залбирал бүхэнд тань баярлалаа. Одоогоор нэмэлт тайлбар хийхгүй” гэжээ.
Өчигдөр буюу Пүрэв гарагийн өглөө Пресли зүрх нь зогссон байж болзошгүй байдалтай эмнэлэгт хүргэгджээ. Лос-Анжелес мужийн цагдаагийн хэлтсийн хэвлэлийн төлөөлөгчийн мэдээлэлд дурдсанаар түргэн тусламжийн эмч нар Калабасас дахь нэгэн байрны гадаах машинд 50 гаруй насны эмэгтэй амьсгалгүй болсонд тусламж үзүүлснийг баталжээ. Тиймээс түүнийг зүрхний шигдээсээр өөд болсон хэмээн таамаглаж байна.
Тэрбээр Элвис, Присцилла нарын хуримаас хойш яг есөн сарын дараа буюу 1968 оны хоёрудугаар сарын 1-нд Теннесси мужийн Мемфис хотод төрсөн. 1973 онд эцэг эх нь салсны дараа ээжийнхээ хамт 4 настайдаа Лос-Анжелес руу нүүжээ.
Элвис 1977 оны наймдугаар сард Лиза Мариг 9 настай байхад нас барснаар өвөө Вернон Пресли, элэнц эмээ Минни Мэй Худ Пресли нарын хамт үл хөдлөх хөрөнгийнх нь өв залгамжлагч болжээ. Тэднийг 1979, 1980 онд нас барсны дараа тэрбээр цорын ганц өв залгамжлагч болж, мөн аавынхаа Грейсланд оршин суух газрыг өвлөн авсан юм.
Эх сурвалж: People
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
298
2711
2021-04-26