Аж үйлдвэрийн IV хувьсгал, дижитал шилжилт эрчимтэй явагдаж байгаа өнөө үед технологи, кодлох чадвар зайлшгүй байх ёстой чадварын нэгт тооцогдох болжээ. Энэ хэрээр мэдээллийн технологийн салбарт жендерийн ялгаа улам бүр ихсэх хандлагатай байна.
Дэлхий нийтийн дунд хүйсийн тэгш байдал өдрөөс өдөрт тэнцвэржиж, технологи дахь эмэгтэйчүүдийн нөлөө хүчтэй болж буй энэ үед салбарын жендерийн тэгш бус байдлыг багасгах, эмэгтэй программ хангамжийн инженерүүдийг бий болгох, хөдөө, орон нутагт амьдардаг охид, бүсгүйчүүдийг чадавхжуулах зорилгын хүрээнд жил бүр 30 эмэгтэй хүүхдийг код бичих сургалтад хамруулах хөтөлбөр зарлаж байна.
Энэ хөтөлбөрийг Харилцаа холбоо, мэдээллийн технологийн газрын дарга Б.Болор-Эрдэнэ санаачилсан бөгөөд бүртгэл 2021 оны тавдугаар сарын 1-нээс эхэлсэн билээ.
Хөтөлбөрт хамрагдах хүсэлтэй охидод дараах шаардлага тавигдаж буй. Үүнд:
Ерөнхий боловсролын сургуулийн ахлах ангийн сурагч байх
Алслагдсан дүүрэг, хороо, аймаг, сумдад амьдардаг бөгөөд онлайн сургалтад тогтмол хамрагдах боломжгүй
Зуны амралтынхаа хоёр сарыг код бичих сургалтад зарцуулах хүсэлтэй байх.
Хөтөлбөрт бүртгүүлэх бол ЭНД дараарай.
Холбоо барих: 88906795 /Буяндэлгэр/
Бүртгэлийн хугацаа: 2021.05.01-2021.05.14
Сургалтыг зургаадугаар сарын 14-нөөс эхлэхээр төлөвлөсөн бөгөөд хөтөлбөрийн үр дүнд охид өөрсдөө программ бичиж, олон нийтэд танилцуулах юм.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
407
2441
2020-07-16