Coldplay хамтлаг өнгөрсөн долоо хоногт Солонгос улсын Гоянг хотноо аялан тоглолтынхоо дөрөв дэх тоглолтыг хийлээ. Тоглолтын төгсгөлд тэд Rosé-г тайзнаа урин түүний хит болсон APT дууг хамтран дууллаа.
Энэхүү APT дууны ковер нь Coldplay хамтлагийн гишүүн Chris дууны аяыг тоглож эхэлснээр Rosé алга ташилтаар угтагдан гарч ирсэн юм. Мөн тэд дуулж дуусмагц Martin дохио өгч дахин нэг удаа тоглосон нь үзэгчдийн сэтгэлийг хөдөлгөлөө.
Тэр орой Coldplay болон Rosé өөрсдийн цахим хуудсуудаар хамтран дуулж буй бичлэгээ цацжээ. Зарим хүмүүс Bruno Mars-ын дуулдаг хэсгийг Coldplay дуулсанд шүүмжлэлтэй хандаж байсан ч ихэнх хүмүүс дэмжиж байв.
Өнгөрсөн аравдугаар сард цацагдсан “APT” дуу нь Billboard Hot 100 чартад №3-т бичигдэж, Billboard Global 200 чартыг 12 долоо хоногийн турш тэргүүлсэн.
Coldplay хамтлаг ойрын хугацаанд Kpop хамтлагуудтай хамтарсан хэд хэдэн дуугаа тоглолтууд дээрээ үзүүлээд байгаа билээ. Жишээлбэл:
Coldplay-ийн Kpop-той ойр байх шалтгаан нь хамтлагийн гишүүн Chris Martin-ы охины нөлөөгөөр эхэлсэн гэж NME-д өгсөн ярилцлагадаа дурдсан юм. Мөн “Бидний дууны хэв маяг, Kpop хоёрыг хольж, хоршуулах нь үнэхээр сонирхолтой хамтралууд болж байна.” гэж хэлжээ.
Coldplay энэ зун Лондон, Халл хотуудад үргэлжлүүлэн аялан тоглолтоо хийх гэж байна. Ташрамд дурдахад тэд жижиг хөгжмийн тайзуудыг дэмжих үүднээс орлогынхоо 10 хувийг Music Venue Trust-д хандивлахаар болжээ.
Эх сурвалж: NME
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
178
5900
2021-09-03