Хайрын зурхай

Орд бүр өөрийн гэсэн онцлог шинж чанартай бөгөөд энэ нь тэдний хүсэл тэмүүлэл, хайр дурлал, дотно харилцаанд нөлөөлдөг.

Хонь (3-р сарын 21 – 4-р сарын 19)
Хонины орд хүсэл тэмүүлэл, эрч хүчээр дүүрэн байдаг. Тэдний дур хүсэл өндөр бөгөөд сэтгэл хөдлөл, адал явдлыг хүсэмжилдэг. Хонины ордныхон ойр дотно харилцааг сэтгэл догдлуулам үйл явдал гэж үздэг тул гэнэтийн байдлаар хайр сэтгэлтэй болохыг хүсдэг.

Үхэр (4-р сарын 20 – 5-р сарын 20)
Венераар захирагддаг Үхрийн ордныхон мэдрэмж, гоо үзэсгэлэнг эрхэмлэдэг. Тэд чанарыг тооноос илүүд үздэг бөгөөд хайр сэтгэлийн харилцаанд тогтвортой хандах дуртай. Тэд удаан үргэлжлэх, жаргалтай мөчүүдийг эрхэмлэдэг.

Ихэр (5-р сарын 21 – 6-р сарын 20)
Санчирын нөлөөнд байдаг Ихрийн ордныхон оюун санааны өдөөлт, сонирхол татсан харилцаанд дуртай. Хэрэв тэдний сэтгэл санаанд нийцвэл хайр сэтгэлд маш идэвхтэй оролцоно. Харин уйтгартай, эсвэл сонирхолгүй санагдвал тэдний хүсэл буурдаг.

Мэлхий (6-р сарын 21 – 7-р сарын 22)
Сарны нөлөөнд байдаг Мэлхийн ордныхон хайр дурлалыг хамгаас илүү мэдрэмжтэйгээр хүлээж авдаг. Тэдний хувьд дотно харилцаа нь гүн гүнзгий сэтгэл хөдлөлийн илэрхийлэл байдаг. Тэд хайрлагдаж, халамжлагдаж илүү ойр дотно байхыг хүсдэг.

Арслан (7-р сарын 23 – 8-р сарын 22)
Нараар захирагддаг Арслангууд өөртөө итгэлтэй, анхаарлын төвд байх дуртай хүмүүс юм. Тэд хайр дурлалд идэвхтэй бөгөөд хамтрагчаасаа халуун дулаан анхаарал, хайр халамжийг хүртэхийг хүсдэг.

Охин (8-р сарын 23 – 9-р сарын 22)
Меркуриар захирагддаг Охины ордныхон бүх зүйлд нарийн нямбай ханддаг. Тэдний хувьд хайр сэтгэл нь тоо биш, чанараар хэмжигддэг. Тэд ойр дотно харилцаанд орвол хамтрагчаа аз жаргалтай байлгахыг чухалчилдаг.

Жинлүүр (9-р сарын 23 – 10-р сарын 22)
Венераар захирагддаг Жинлүүрийн ордныхон харилцааны эв найрамдлыг эрхэмлэдэг. Тэдний хувьд романтик байдал, сэтгэл татам байдал чухал тул хайр сэтгэлийн уур амьсгал, орчин нөхцөл маш их нөлөөлдөг.

Хилэнц (10-р сарын 23 – 11-р сарын 21)
Плутоноор захирагддаг Хилэнцийн ордныхон хүсэл тэмүүлэл, гүн гүнзгий холбоог эрхэмлэдэг. Тэдний хайр сэтгэл нь бие махбодын төдийгүй, сэтгэл зүрхний холбоо байх ёстой гэж үздэг.

Нум (11-р сарын 22 – 12-р сарын 21)
Бархасбадь гарагт захирагддаг Нумын ордныхон эрх чөлөө, адал явдал, шинэ зүйлсийг турших дуртай. Тэдний хувьд тогтмол нэг хэвийн байдал уйтгартай санагддаг тул төрөл бүрийн сонирхолтой зүйлс туршихыг илүүд үздэг.

Матар (12-р сарын 22 – 1-р сарын 19)
Санчир гарагаар захирагддаг Матрын ордныхон хайр сэтгэлийг хариуцлагатай, тогтвортойгоор хүлээж авдаг. Тэдний хувьд ойр дотно харилцаа нь итгэлцэл, тогтвортой харилцааг бий болгоход чухал үүрэгтэй байдаг.  Гэхдээ тэд тооцоотой.

Хумх (1-р сарын 20 – 2-р сарын 18)
Тэдний сэтгэлгээ нь бие махбодын харилцаанаас илүү оюун санааны холбоонд төвлөрдөг тул хүсэл нь тогтвортой биш, тодорхой цаг хугацаанд ихэсч, буурч болно.

Загас (2-р сарын 19 – 3-р сарын 20)
Нептуноор захирагддаг Загаснууд сэтгэл хөдлөл, уран зөгнөл ихтэй хүмүүс байдаг. Тэдний хувьд ойр дотно харилцаа нь бие махбодын гэхээсээ илүү сэтгэл зүрхний холбоо байх ёстой.