Бие даан суралцах арга барил

1. Өөртөө тодорхой зорилго тавиарай

• Цахим сургалтаар судалсан хичээлийнхээ үндсэн зорилгыг ойлгож, суралцах үйл явцаа тодорхой төлөвлөөрэй.
• Өөртөө богино болон урт хугацааны зорилт тавьж, өдөр бүр бага багаар ахиц гаргахыг хичээгээрэй.

2. Цагийн зохион байгуулалтаа сайжруулаарай

• Өдөр тутмын хичээлийн хуваарь гаргаж, суралцах тодорхой цагийг тогтоон баримтлаарай.

3. Тэмдэглэл хөтлөх дадал эзэмшээрэй

• Хичээлийн явцад гол санаа, онолын тодорхойлолт, жишээ, асууж лавлах шаардлагатай зүйлсийг тэмдэглэж аваарай.
• Тэмдэглэлээ хянаж, давтах, хэрэгтэй үед ашиглахад хялбар байхаар хөтлөөрэй.

4. Цахим эх сурвалжийг оновчтой ашиглах

• Хичээлд холбогдох цахим эх сурвалжуудыг судалж, үнэн зөв, баталгаатай мэдээллийг ашиглаарай.
• Эх сурвалжуудыг хооронд нь харьцуулж, илүү өргөн хүрээний мэдлэг олж авахыг хичээгээрэй.

5. Асуудалд идэвхтэй хандлага гаргах

• Синхрон хичээлийн үеэр болон хэлэлцүүлэгт асуух асуултаа бэлдэж, тодруулах зүйлсээ багшаас болон ангийн нөхдөөсөө асуугаарай.
• Ангийн найзуудтайгаа харилцан ярилцаж, бие биеээсээ суралцаарай.

6. Даалгавраа чанартай гүйцэтгэх

• Даалгавраа хийхэд тодорхой зорилго тавьж, төлөвлөгөөний дагуу гүйцэтгээрэй.
• Багшийн өгсөн зааврыг нарийн дагаж, шаардлагад нийцсэн, бүтээлч хандлагатай ажиллахыг хичээгээрэй.

7. Суралцах орчноо тохируулах

• Бие даан суралцах үедээ анхаарал сарниулах зүйлсээс зайлсхийж, суралцах тохиромжтой орчин бүрдүүлээрэй.
• Тогтмол хугацаанд амарч, тархиа амрааж, суралцах үр дүнг сайжруулаарай.

8. Өөрийгөө үнэлэх, ахиц дэвшлээ хянах

• Өөрийн суралцах ахиц дэвшлийг тогтмол үнэлж, хэрэгтэй бол өөрийн суралцах арга барилаа сайжруулаарай.
• Үр дүнгээ эргэцүүлж дүгнэх замаар дараагийн алхмуудаа тодорхойлоорой.

9. Эерэг хандлага, хариуцлагатай байх

• Суралцах үйл явцад идэвхтэй, тууштай хандаж, өөрийн хариуцлагыг ухамсарлаарай.
• Бусадтай эергээр харилцаж, бусдад туслах замаар өөрийн оролцоог нэмэгдүүлээрэй.

Жижиг ч гэсэн зорилтууддаа хүрсэн тохиолдолд өөртөө урамшуулал өгч, урагшлах эрч хүчээ авч байгаарай.