Netflix-ийн алдарт болзооны реалити шоуны "Single's Inferno" 4-р улирал 2025 оны 1-р сарын 14-нд нээлтээ хийнэ.
12-р сарын 17-нд Netflix уг шоуг шинэ улирлаар үргэлжлүүлэхээ зарлаж, постер болон тизер бичлэг цацжээ. Энэ нь Netflix-ийн Солонгосын цуврал анх удаа 4-р улирал хүртэл үргэлжилж байгаа тохиолдол юм.
"Single's Inferno" бол хайр хайж буй ганц бие залуусыг алслагдсан "Inferno" нэртэй арал дээр хамт амьдруулдаг болзооны реалити шоу юм. Тэд зөвхөн хос болж чадсанаар л уг арлаас "Paradise" буюу тансаг зочид буудлын гайхалтай люкс өрөөнд очих эрхтэй болдог.
Шинээр цацагдсан постерт оролцогчид усан дотор хөгжилдөж буйгаар дүрслэгдсэн бөгөөд ус цацарснаар тэдний царайг санаатайгаар далдалсан мэт харагдана. Энэ нь оролцогчдын талаар үзэгчдийн сонирхлыг улам ихээр төрүүлж байна.
Хамт цацагдсан тизер бичлэг нь "Хайр бол амьд үлдэхийн төлөөх хэрцгий тоглоом" гэж эхэлж, оролцогчид ширүүн, өрсөлдөөнтэй спортын үйл ажиллагаанд оролцож буйг харуулна. Түүний дараа халуухан харилцаа, сээтэгнэсэн мөчүүдийг үзүүлж, сэтгэл хөдөлгөм романтик зөрчил гарах нь тодорхой байна.
Эх сурвалж: soompi
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
353
18350
2018-01-24