2, 3, 4-р курсын оюутнуудад зориулсан тэтгэлэг зарлалаа

НҮБ-ийн “Тогтвортой хөгжлийн 17 зорилго”-н Чанартай боловсролыг дэмжих зорилтын хүрээнд ХААН Банкнаас Монгол Улсын магадлан итгэмжлэгдсэн их, дээд сургуулийн бакалаврын зэргийн 2, 3, 4–р курсын оюутнуудын дунд тэтгэлэгт хөтөлбөр зарлажээ. Тус хөтөлбөрт шалгарсан шилдэг 20 оюутанд сургалтын төлбөрийн тодорхой хувийг тэтгэлгээр олгох юм байна. Энэ жил ХААН Банкнаас шилдэг оюутанд өгөх тэтгэлэгийн хэмжээг нэмэгдүүлсэн гэнэ.

Тавигдах шаардлага:

1. Монгол Улсын магадлан итгэмжлэгдсэн их, дээд сургуулийн бакалаврын зэргийн 2,3,4-р курсын оюутан байх;
2. Сурах хүсэл эрмэлзэлтэй, анги хамт олноо сурлагын амжилтаар тэргүүлэгч байх;
3. Оюутны эрдэм шинжилгээний хурал, илтгэл, уралдаан тэмцээнд тодорхой амжилттай оролцсон бол давуу тал болно;
4. Өрхийн орлого зэргийг харгалзан үзнэ.

Бүрдүүлэх материал:

• Тэтгэлэг хүсэгчийн анкет бөглөх
• Их, дээд сургуулийн тодорхойлолт /элссэн он, анги зэргийг заасан/
• Их, дээд сургуулийн дүнгийн хуулбар /сургуулийн захиргаагаар баталгаажуулсан/;
• Их, дээд сургуулийн 1 багшийн тодорхойлолт;
• Хувь хүний хөгжил, улс орны ирээдүйн талаар чөлөөт сэдвээр 400 үгтэй эссэ бичих;
• Өрхийн орлогыг батлах тодорхойлолт зэргийг ирүүлнэ.

Сонгон шалгаруулалт:

• Сонгон шалгаруулалт 2 үе шаттай явагдана.
• ХААН Банк болон хөндлөнгийн төлөөллөөс бүрдсэн  сонгон шалгаруулах  комисс тэтгэлэгт оролцогчдын материалыг үнэлгээний аргачлалын дагуу үнэлэн хамгийн өндөр оноотой 30 оюутныг шалгаруулна.
• Эхний шатанд шалгарсан оюутнууд оноогдсон сэдвийн дагуу илтгэл тавьж, үнэлгээний аргачлалын дагуу шилдэг 20 оюутныг тодруулна.

2018.09.30-ны өдөр ШАЛГАРСАН 20 ОЮУТНЫ нэрийг ХААН Банкны албан ёсны цахим хуудас www.khanbank.com-д байршуулна.

Материал хүлээн авах: 2018.09.07-ны өдрийн 18:00 цаг хүртэл ХААН Банк Цамхагийн нэг давхарт ресепшн хүлээн авч, 2018 оны 09-р сарын 28-ний өдөр шалгарсан 20 оюутны нэрийг ХААН Банкны албан ёсны сошиал хуудас,  www.khanbank.com вебсайт болон өдөр тутмын сонингуудаар зарлана.

Жич: Хүлээн авсан материалыг буцаан олгохгүй ба хугацаа хоцорсон болон дутуу бүрдүүлсэн материалыг хүлээн авахгүй.

Дэлгэрэнгүй мэдээллийг 11-332-333 (4237) утсаар лавлана уу!