Японы их дээд сургуулиудыг танилцуулах өдөрлөг болно

Энэ сарын 4-ний өдөр  Японы их сургуулиудыг танилцуулах “University Fair-2017 өдөрлөгийг ШУТИС-ийн Төв номын сангийн байрны 5 давхарт 504 тоотод зохион байгуулах гэж байна.

БСШУСЯ-наас хэрэгжүүлж буй “Инженер, технологийн дээд боловсрол” буюу 1000 инженер төслийн хүрээнд дээрх үйл ажиллагааг бакалаврын сургалтын хөтөлбөрийн Япон талын хамтрагч консорциумын гишүүн зохион байгуулж байна.

Тус хөтөлбөрт Япон улсаас

• Нагаока технологийн их сургууль
• Кюүшү их сургууль
• Тоёохаши технологийн их сургууль
• Киото технологийн их сургууль
• Нагоя технологийн их сургууль
• Китами технологийн их сургууль
• Кумамото их сургууль
• Кюүшү технологийн дээд сургууль
• Вакаяма их сургууль
• Ямагүчи их сургууль

нийт 10 их сургуулийн профессор, багш нар хүрэлцэн ирж өөрийн сургуулийн онцлог болон барилга, хүрээлэн буй орчин, архитектур, механик инженерийн салбарын тухай дэлгэрэнгүй мэдээлэл өгч оролцоно.

ШУТИС-ийн Төв номын сангийн байрны 5 давхарт 504 тоотод 14.00-17.00 цагийн хооронд болно.