АНУ-ын дуучин асан Bing Crospy-ийн хит дуу болох “White Christmas”-ыг BTS хамтлагийн гишүүн Ким Тэхён ремикс хувилбараар дуулна хэмээн мэдэгдлээ. Ремикс дуу гэдэг нь тухайн дууны оригинал хувилбарт өөрчлөлт хийж, шинэ өнгө аяс, хэмнэл жанр нэмж, дахин дуулна гэсэн үг юм.
Энэхүү төслийг “Эрин үеийг холбосон хамтын ажиллагаа” хэмээн тодорхойлж байгаа бөгөөд уг дуу нь зул сарын баяраар сонсогчдодоо хүрэх юм.
“Би бүх цаг үеийн хамгийн дуртай жазз уран бүтээлчтэйгээ нэг дуунд хамтрах боломж олдсонд маш их талархаж байна. Би түүний "It's Been a Long, Long Time" дууг өдөрт тоо томшгүй олон удаа сонсож өссөн. Өөрийн шүтээнийхээ хит дуун дээр ажиллах болсон минь нэр төрийн хэрэг. Намайг дуулах дуртай байсан шиг энэ дуу олон хүнд таалагдана гэж найдаж байна” хэмээн Тэхён хэлэв.
Bing Crosby нь Америкийн алдарт дуучин, жүжигчин бөгөөд 20-р зууны дунд үед дэлхий даяар маш алдартай уран бүтээлч байсан билээ. Дуучин 1977 онд таалал төгссөн ба карьерынх нь турш хамгийн их олонд түгж алдаршсан дуу бол “White Christmas” юм. Тэрхүү дуу нь бүх цаг үеийн хамгийн их борлуулагдсан цомог болж амжилт тогтоож байжээ.
Эх сурвалж: Billboard
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
20
2950
2017-01-19