Үзэгчдийн хүлээлтийг үүсгэж буй энэ сард цацагдах К-драмууд

Өнөөдрийн нийтлэлээр бид арваннэгдүгээр сард цацагдах бүх к-драмыг багцлан хүргэж байна. Энэ сард нийтдээ 16 шинэ кино нээлтээ хийхээр төлөвлөжээ.

“Brewing Love”

Цацагдах өдөр: Арваннэгдүгээр сарын 4

Чае Ён Жү бол өмнө нь цэргийн тусгай хүчинд ажиллаж байсан бие бялдар, оюун санааны хувьд хүчирхэг нэгэн. Тэрээр сүүлийн зургаан жил архины компанид худалдагчаар ажиллаж байгаа бөгөөд түүнийг “Борлуулалтын хаан” хэмээн нэрлэнэ. Гэтэл ажиллаж буй салбар нь тун удахгүй хаагдахад хүрнэ.

Ён Жү салбараа хаагдахаас сэргийлж компанийнхаа захирал Юн Мин Жүгийн хийсэн шинэ шар айргийг зарах даалгавар авна. Мин Жү бол шар айраг хийхэд анхаарлаа төвлөрүүлэхийн тулд тайван, нам гүм хөдөө амьдардаг залуу. Харин Ён Жү түүний өмнө гарч ирснээр тэдний адал явдалт амьдрал эхэлнэ.

“The History of Us”

Цацагдах өдөр: Арваннэгдүгээр сарын 5

Тус кино нь KBS телевизээс жил бүр гаргадаг богино хэмжээний кино юм. Үйл явдалд түүхээ хадгалж үлдэхээр шийдсэн залуу байцаагч Нам Ё Кан болон угсаа залгамжлах ханхүү Жу Сон нарын итгэл үнэмшлийнхээ төлөө тэмцэлдэж буй тухай өгүүлнэ.

“Gangnam B Side”

Цацагдах өдөр: Арваннэгдүгээр сарын 6

Жүжигчдийн бүрэлдэхүүн бүр гал асаах нь ээ.

Сөүлийн Ганнам дүүрэгт хүмүүс нууцлаг байдлаар алга болж буйгаар үйл явдал эхэлдэг. Жэ Хи Ганнам дахь алдартай бааранд ажилладаг бөгөөд тэр ч гэсэн алга болно. Кан Дун Ву бол мөрдөгч бөгөөд Юн Гил Хо-г энэ хэрэгтний сэжигтнээр татна. Мөн Прокурор Мин Со Жин ч энэ хэрэг дээр ажиллаж байгаа ба тэд бүгд янз бүрийн шалтгаанаар хэргийн үнэнийг илрүүлэхээр тэмцэж буй тухай өгүүлэх юм.

“Face Me”

Цацагдах өдөр: Арваннэгдүгээр сарын 6

Ча Жун Ву бол сэтгэл татам төрх, элит ур чадвартай шилдэг гоо сайхны мэс засалч. Тэрээр гоо сайхны мэс засал, яаралтай тусламжийн аль алинд нь туршлагатай нэгэн. Өвчтөний гэмтлийг хараад тэрээр ослын нөхцөл байдал, шаардлагатай эмчилгээний аргыг хурдан төсөөлж чаддаг ч өвчтөнүүдтэйгээ тийм ч  сайхан ханддаггүй.

Харин Ли Мин Хён бол хүчирхийллийн гэмт хэрэгтэй тэмцэх хэлтэст ажилладаг мөрдөгч юм. Тэр айдасгүй, өөртөө итгэлтэй, хохирогчдыг өрөвддөг бас гэмт хэрэгтнүүдийг барих сонирхолтой. Тэд санамсаргүй байдлаар уулзаж бие биедээ татагдана.

“Mr. Plankton”

Цацагдах өдөр: Арваннэгдүгээр сарын 8

Хае Жо бол аавдаа ад үзэгдэн амьдардаг, өөрийгөө алдаанаас төрсөн хүү гэж боддог нэгэн. Харин Же Ми бол үргэлж гэр бүлтэй болохыг хүсдэг эмэгтэй. Тэрээр Эогийн гэр бүлийн залгамжлагч Эо Хён-тэй гэрлэх гэж байгаа. Хадам ээж нь түүнийг анхнаасаа зөвшөөрөөгүй бөгөөд жирэмсэн болсон учир хүчээр хүүтэйгээ суулгаж байгаа аж. Гэтэл нэгэн өдөр Хае Жо өөрийнхөө жинхэнэ эцгийг хэн болохыг мэдэж түүнийг хайхаар явна. Же Ми ч хуримаасаа зугтан түүнтэй хамт явж буйгаар үйл явдал өрнөнө.

“The Fiery Priest 2”

Цацагдах өдөр: Арваннэгдүгээр сарын 8

Ким Хэ Ил бол шударга ёсны мэдрэмжтэй, халуухан зантай католик шашны санваартан юм. Тэрээр Сөүлийн Гудам дүүрэгт үүссэн хар тамхины хэргийг мөрдөхөөр Пусан хотыг зорьжээ. Прокурор Пак Кён Сун, Гудамын цагдаагийн газрын мөрдөгч Гу Дэ Ён, Пусан хотын мөрдөгч Гу Жа Янг нар түүнтэй хамтран ажиллана.

“Social Savvy Class 101”

Цацагдах өдөр: Арваннэгдүгээр сарын 10

Кан У Бин бол томоохон энтертайнмент агентлагийн дадлагажигч бөгөөд сургуульдаа хамгийн алдарттай хүүхдүүдийн нэгт тооцогддог. Төгс царайлаг, хичээлдээ ч сайн сурдаг түүнийг хүн бүр биширч шүтнэ. Гэсэн ч тэр хэний ч олж мэдэх боломжгүй нууцыг нууж байгаа юм. Түүний нэр нь хүртэл будилаантай болж тэр эвгүй байдалд орж эхэлснээр үйл явдал өрнөнө.  

Сонирхуулахад уг киноны зураг авалт дууссаны дараа гол дүрийн жүжигчид болох Kim Wooseok болон Kang Naeun нар үерхэж байгаа нь батлагдсан билээ. Хосууд таван насны зөрүүтэй аж.

“Finding Handsome”

Цацагдах өдөр: Арваннэгдүгээр сарын 12

Эл кино нь “Five Princes” хэмээх тарсан хамтлагийн тухай өгүүлнэ. Хамтлагаа тарснаас хойш 13 жилийн турш ор сураггүй алга болсон Handsome болон түүнийг хайж буй гишүүн Cutie нарыг харуулах юм.

“Marry YOU”

Цацагдах өдөр: Арваннэгдүгээр сарын 16

Гэрлэх бодолгүй, түүнээс үргэлж зугтааж буй Бон Чеол Хуи болон төрийн албан хаагч Жун Ха На нарын хайрын түүхийг өгүүлэх инээдмийн, романтик кино юм.

“Desperate Mrs. Seon Ju”

Цацагдах өдөр: Арваннэгдүгээр сарын 18

Зовлонт гэр бүлээсээ салахаар шийдсэн Пи Сун Жу гэх эмэгтэйн түүхийг өгүүлнэ. Тэрээр бүхий л амьдралаа нөхрийнхөө төлөө, түүнийг амжилтад хүрэхэд зориулсан  бөгөөд эцэстээ салахаар шийднэ.

“Parole Examiner Lee”

Цацагдах өдөр: Арваннэгдүгээр сарын 18

Ли Хан Шин бол байцаагч. Тэрээр танил тал, мөнгө ашиглан өршөөлийн системийг удирдахыг оролддог муу хүмүүсийн эсрэг тэмцэж шударга ёсыг хэрэгжүүлэхийг хичээнэ. Харин Ан Со Юн бол илүү сайхан нийгмийн бүтээхийн тулд муу хүмүүсийг барьж авдаг мөрдөгч юм.

“When the Phone Rings”

Цацагдах өдөр: Арваннэгдүгээр сарын 22

Бэк Са Еон улс төрийн нэр хүндтэй гэр бүлээс гаралтай Солонгосын ерөнхийлөгчийн хэвлэлийн төлөөлөгч. Тэрээр 3 жилийн өмнө Хон Хуй Жүтэй гэрлэсэн. Хуй Жү бол сонины эзний охин бөгөөд ослын улмаас бага насандаа ярианы бэрхшээлтэй болжээ. Хосууд амар тайван байхын тулд гэрлэсэн ба бие биетэйгээ харилцаж, хамтдаа хоол иддэггүй. Гэсэн ч аз жаргалтай мэт хосуудын дүр эсгэнэ. Нэгэн өдөр эхнэрийг нь үл танихгүй хүн хулгайлснаар тэдний амьдралд гэнэтийн өөрчлөлт орно.

“Love Your Enemy”

Цацагдах өдөр: Арваннэгдүгээр сарын 23

Сеок Жи Вон болон Юн Жи Вон нар нэг өдөр, нэг хотод төрсөн. Тэд мөн адил Жи Вон нэртэй боловч тэдний гэр бүл үеийн үед дайсагналцсаар иржээ. Өөрсдийн шалтгааны улмаас тэд төрөлх хотоо орхин явдаг бөгөөд 18 жилийн дараа санамсаргүй байдлаар дахин тааралддаг. 

“The Two Women"

Цацагдах өдөр: Арваннэгдүгээр сарын 26

KBS телевизийн дараагийн богино хэмжээний кино бол “The Two Women". Эл кино нь Солонгосын дайнаас нэг жилийн өмнөх түүх бөгөөд өөрсдийнхөө эрхийн төлөө тэмцэж буй Ян Бок болон Сачико нарын түүхийг өгүүлдэг.

“The Trunk”

Цацагдах өдөр: Арваннэгдүгээр сарын 29

NM компани бол үйлчлүүлэгчдэдээ 1 жилийн гэрээт гэрлэлт хийж өгдөг байгууллага бөгөөд үүнд Ин Жи ажиллана. Тэрээр саяхан 4 дэх гэрлэлтээ дуусгасан ба түүний дараагийн үйлчлүүлэгч Жун Вон болж таардаг. Жун Вон хөгжмийн продюсер юм. Тэр салсан эхнэрээ санаж буй түгшүүр, ганцаардлаар дүүрэн эр бөгөөд Ин Житэй уулзсанаас хойш тэд бие биедээ дасаж, дурлаж эхэлнэ.

“The Tale of Lady Ok”

Цацагдах өдөр: Арваннэгдүгээр сарын 30

Энэхүү кино Жусоны үеийн цаг хугацааг харуулах түүхэн кино юм. Ок Тэ Ён хуулийн мэргэжилтэн бөгөөд ухаалаг, хичээнгүй нэгэн. Бас тус хүргэх хүн бүхэнд тусалж, хүрээлэлдээ зөв сайхан эмэгтэй гэгдэнэ. Гэтэл түүний нэр, нөхөр, хувь хүн гээд бүх зүйл нь хуурамч болж таарна. Нэгэн удаа түүх өгүүлэгч Чон Сын Ви-тэй уулзсанаар түүний амьдрал өөрчлөгдөж эхэлнэ.

Эх сурвалж: Soompi