MrBeast-ийн зохион байгуулдаг реалити шоунд өрсөлдөж буй таван оролцогч YouTube-ийн од болсон эл продакшин компани болон Амазон нь цалин олгохгүй гувшуулдаг, аюултай нөхцөлд оролцохыг албаддаг, " эмэгтэйчүүлийг үзэн ядах, хүйсээр ялгаварлан гадуурхах соёлд автсан" гэж үзэн шүүхэд нэхэмжлэл гаргажээ.
Гуравдугаар сард зарласан Amazon Prime Video шоуны оролцогчид Лос-Анжелес хотын шүүхэд Даваа гарагт нэхэмжлэл гаргажээ. Энэ нь "1000 гаруй оролцогч, 5,000,000 долларын шагнал болон бусад олон дэлхийн дээд амжилтуудыг" багтаасан шоу юм гэж MrBeast (жинхэнэ нэр нь Жимми Дональдсон гэдэг) хэлжээ.
54 хуудас бүхий баримт бичигт тоглогчдыг "үндэслэлгүй, аюултай, хууль бус хөдөлмөр эрхлэлтийн нөхцөл"-д хамруулж, "хэд хэдэн" оролцогчийг эмнэлэгт хэвтүүлэхэд хүргэсэн гэх гомдлыг тодорхойлсон. Нэхэмжлэгч нар тэднийг "тогтмол бус, тарчиг" хооллож, "эрүүл ахуйн шаардлага хангасан бүтээгдэхүүн, эмнэлгийн тусламж" хүртдэггүй гэж мэдэгджээ.
Бэлгийн дарамтын талаар мөн буруутгаж байсан ч нэхэмжлэлийн олон тодорхой жишээг баримт бичигт засварласан байна.
Шоу нь "хууль бус гэрээ" байгуулж, Невада мужид оролцогчдыг татварын хөнгөлөлт авахын тулд сайн дурын ажилтан хэмээн худал ангилсан гэж мэдэгджээ. Үүний үр дүнд тус шоу Лас Вегаст зураг авалтаа хийхэд нь мужаас 2.5 сая долларын урамшуулал олгосон гэж шүүхэд нэхэмжлэл гаргасан байна.
Өнгөрсөн сард Нью-Йорк Таймс сонинд 26 настай MrBeast-ийн хөтлөн явуулсан шоуны үеэр нэр нь үл мэдэгдэх оролцогчдын аюултай нөхцөл байдлын талаарх зарим мэдэгдлийг нарийвчлан гаргажээ. Тэд сонинд хэлэхдээ, зарим тоглогчид дэвжээг дамнуурга дээр орхиж, бөөлжиж, хүмүүс ухаан алдаж, "хэд хэдэн удаа эмнэлэгт хэвтсэнийг" харсан. "харамсалтай нь CrowdStrike хэрэг явдал, цаг агаарын эрс тэс уур амьсгал болон бусад гэнэтийн ложистик, харилцаа холбооны асуудлаас болж зураг авалт нь төвөгтэй болсон" гэж MrBeast-ийн хэвлэлийн төлөөлөгч "Таймс" сонинд хэлжээ. MrBeast CNN-ийн тайлбар өгөх хүсэлтэд хариулсангүй.
Эхлэх огноог хараахан товлоогүй байгаа ч "Beast Games" нь хамгийн олон оролцогчтой, хамгийн том мөнгөн шагналтай "түүхэн дэх хамгийн том тоглоомын шоу" байх болно гэж үзэж байна.
MrBeast бол хамгийн алдартай YouTube сувгуудын нэг бөгөөд 245 сая subscribers-тай. Сүүлийн жилүүдэд түүний видео тус бүр 100 сая хандалтыг хялбархан давж, заримдаа хагас тэрбумыг дөхөж байсан. MrBeast буяны үйлсийн өвөрмөц арга барилаараа олны анхаарлыг татсан.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
0
31
ӨНӨӨДӨР