2024-2025 оны намар, өвлийн хумс будалтын трэнд

Цаг агаар сэрүүсч, бид илүү дулаан уур амьсгалыг эрэлхийлэхийн хэрээр маникюрын чиг хандлага ихээхэн өөрчлөгддөг. Энэ намар, өвлийн улиралд хумсны урлагийн ертөнц зоримог шинэ загваруудыг санал болгож байна.

Минималист ирмэг

Зарим хэсгийг будалгүй үлдээх эсвэл геометрийн хэлбэр гаргахын тулд тунгалаг өнгөлөгч ашиглах явдал юм. Энэхүү минималист чиг хандлага нь таны хумсыг орчин үеийн, футурист өнгө аястай болгож, бусдаас өөр боловч дэгжин байхыг хүсдэг хүмүүст тохиромжтой.

Та загвараа илүү сайжруулахын тулд металл шугам, цэцэгс эсвэл жижиг цэгүүдийг агуулсан янз бүрийн хэлбэр, өнгө нэмж болно.

Френч маникюр

Френч маникюр 2024 онд шинэчлэгдэж байна. Уламжлалт цагаан үзүүрийн оронд бараан улаан, хар, тэр ч байтугай металл үзүүрүүд трэнд болж байна. Та мөн энэ гоёмсог хэв маягийг илүү орчин үеийн болгохын тулд нарийхан эсвэл тэгш хэмтэй бус оруулга хийж болно.

Цахилдаг ягаан

Цахилдаг ягаан хумс нь 2024 оны намар-өвлийн онцлох чиг хандлага бөгөөд зөөлөн, эмэгтэйлэг өнгө юм. Эдгээрийг ягаан, лаванда, алтлаг өнгүүдээр хийж болох ба өдөр тутмын болон албан ёсны хувцаснуудад төгс тохирно. Цахилдаг ягаан өнгө нь ямар ч дүр төрхийг хөгжилтэй хэрнээ дэгжин харагдуулдаг бөгөөд баяр ёслолд тохиромжтой.

3D гоёл чимэглэлүүд

Илүү зоримог чиг хандлагын хувьд энэ улиралд 3D гоёл чимэглэлүүд трэнд байна. Хиймэл алмааз, болор, сувд, тэр ч байтугай алтны ширхэг эсвэл жижиг гинж зэрэг лементүүдийг хумсандаа нэмж оруулж болно.

Өвлийн баярын үеэр хумсаа онцгой байлгахыг хүсдэг хүмүүст тохиромжтой.

Металл оруулга

Металл өнгө нь энэ улиралд хүчтэй хэвээр байгаа ч бүтэн металлны оронд нарийн тодотголтой мөнгөн эсвэл алтлаг өнгөтэй геометрийн загваруудыг бодоорой.

Эдгээр нь  энгийн болон албан ёсны аль ч үед тохирно. Металлуудыг бараан өнгөтэй эсвэл төвийг сахисан өнгөнүүдтэй хослуулан гоёмсог, орчин үеийн загвартай болгоно.

Улаан улбар

Энэхүү өнгө нь намрын навчтай төстэй бөгөөд шинэлэг, орчин үеийн мэдрэмж төрүүлэхийн зэрэгцээ таны дүр төрхөд тохь тухтай, дулаан мэдрэмжийг төрүүлдэг.

Matte

Матт хумс бол мөнхийн чиг хандлага бөгөөд оны намар-өвлийн улиралд төгс зохицно. Хар хөх, нүүрс, дарсны улаан зэрэг өнгө  байж болно.

Энэ улиралд гялгар өнгөнөөс хол байгаарай.

Дөрвөлжин хээ

Дөрвөлжин хээ намрын загвар бөгөөд одоо хувцас, аксессуараас гадна хумсны урлагт орж ирж байна. Энэ улирлын тэгш бус хумсны чиг хандлага нь улаан хүрэн, хар, шаргал зэрэг өнгөтэй нарийн загвартай бөгөөд таны хумсанд гоёмсог, улирлын чанартай өнгө нэмж өгдөг.

Хүрэн өнгө

Хүрэн өнгө, шоколадан бор, карамель өнгө, шаргал өнгө зэрэг нь улирлын трэнд өнгө юм. Эдгээр нь намрын улиралд төгс зохицох бөгөөд бараг ямар ч хувцастай тохирох төвийг сахисан суурь болж өгдөг.

Гялалзсан эсвэл матт өнгөлгөөний аль нь ч бай, хүрэн хумс нь дулаан, дэгжин байдлыг авчирдаг бөгөөд өдөр, шөнийн аль алинд нь төгс зохицдог.

Эх сурвалж: Bright Side