“Шинэ Монгол Мабүчи тэтгэлгийн сан”-ийн талаар түгээмэл асуулт хариулт
Шинэ Монгол Мабүчи сангийн тэтгэлэгт хөтөлбөр нь дотоодын их дээд сургуульд 3.2-оос дээш голч дүнтэй суралцаж буй, хичээл зүтгэлтэй, сургалтын төлбөрийн дэмжлэг шаардлагатай оюутнуудад хүү шимтгэлгүй, барьцаагүй, эргэн төлөгдөх нөхцөл бүхий менторшип хөтөлбөртэй тэтгэлэгт хөтөлбөр юм.
“Шинэ Монгол Мабүчи тэтгэлгийн сан”-ийн талаар түгээмэл асуулт хариулт:
1. Энэхүү тэтгэлэг нь нэг удаа 1500 ам.доллар авдаг уу?
Үгүй ээ. Таныг бакалаврын хөтөлбөрөө дуусах хүртэл жил бүр 1500 ам.доллар олгогдоно. Жишээлбэл МУИС-ийн 1 дүгээр курст орох суралцагчийн хувьд нийтдээ 6000 ам.доллар авна гэсэн үг.
2. Зөвхөн “Шинэ Монгол” Дээд сургуульд суралцдаг байх шаардлагатай юу?
Та аль ч дотоодын их, дээд сургуулийн бакалаврын өдрийн хөтөлбөрийн суралцагч байж болно.
3. Зөвхөн АШУҮИС болон МУИС-ХЗС-ийн 2 болон 4 дүгээр түвшинд суралцдаг байх ёстой юу?
Дээрх сургуулиудын бакалаврын өдрийн хөтөлбөр 5 эсхүл 6 жил байдаг учир ийм шаардлагыг тавьдаг болно. Гэхдээ шаардлага хангасан аль ч курсын оюутан (төгсөх курсын оюутан хамаарахгүй) тэтгэлэгт хамрагдах бүрэн боломжтой байдаг.
4. Тэтгэлгийг эргэн төлөхөд ямар нэгэн хүү шимтгэлтэй юу?
Мэдээж үгүй. Та төгссөнөөсөө 1 жилийн дараагаас жил бүр санхүүгийн дарамтгүйгээр бага дүнгээр тогтмол, ямар нэгэн хүү шимтгэлгүйгээр авснаа л эргүүлэн төлдөг.
5. Яагаад заавал эргүүлж төлдөг вэ?
Та өнөөдрийн тэтгэлэгт оюутан, дараа үеийнхээ тэтгэлэг олгогч буюу таны эргүүлж төлсөн тэтгэлэг өөр нэгэн оюутанд тусламж болж хүрдэг билээ.
292
3929
2019-10-09