Шри-Ланкийн дөрвөн загасчин далайгаас олдсон лонхноос үл мэдэгдэх шингэн уусны улмаас нас барж, хоёр хүний биеийн байдал хүнд байгаа талаар орон нутгийн хэвлэлүүд мэдээлжээ.
Далайчид арлын өмнөд эргийн Тангалле хотоос 600 км-ийн зайд хайрцагтай лонх олохдоо загасчлах аялалд явж байсан бөгөөд лонхон дахь шингэнийг архи гэж бодоод уусан байна.
Шри Ланкийн Загас агнуур, усны нөөцийн газрын ерөнхий захирал Сусанта Кахаватте тэнгисийн цэргийнхэн тэднийг эрэг рүү буцаан авчрахаар оролдож байна гэж хэвлэлд мэдэгджээ.
"Дэвон" нэртэй загас агнуурын хөлөг онгоцонд сууж явсан хүмүүст эмнэлгийн тусламж үзүүлж байгаа бөгөөд тэднийг газар дээр буцааж эмчлүүлэхэд хангалттай хугацаа байхгүй байна гэж Тэнгисийн цэргийн хүчнийхнээс хэлжээ.
Загасчид лонхны заримыг тухайн бүс нутагт ажиллаж буй бусад багийнханд тараасан бөгөөд тэдгээр багийнханд мэдэгдэх оролдлого хийж байгаа аж.
Тэнгисийн цэргийн хүчнийхэн "Дэвон" хөлөг онгоцыг өөр хөлөг онгоцоор эргүүлэн эрэг рүү татаж байна гэж орон нутгийн хэвлэлд мэдэгджээ.
Энэ үйл явдал нийслэл Коломбо хотоос 193 км зайд орших далайн эргийн хотод эсэргүүцлийн жагсаал зохион байгуулахад хүргэсэн бөгөөд жагсагчид амьд үлдсэн далайчдыг газар руу нэн даруй буцаахыг уриалав.
Одоо мэргэжлийн хүмүүс лонхны найрлагыг шалгаж байгаа юм байна.
Эх сурвалж: BBC
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
38
3546
2017-11-20