Peaky Blinders-ээс сэдэвлэсэн нохойн зурагтай хөзөр худалдаанд гарчээ

Т.Онон | YOLO.MN
2024-06-19

Хойд Уэльст амьдардаг гэрэл зурагчин Сэмми "Peaky Blinders" хэмээх дээрэмчдийн бүлэглэлээс санаа авсан сэдвээр нохойн хөзөр хийжээ. The Cheeky Barkers буюу “Танхай хуцагч” төсөлд 52 нохой сонгож гэмт хэрэгтэн шигээр зураг авчээ. Зургаас нохой бүрийн өвөрмөц зан чанар, онцлог шинж чанар харагдах аж.

“Би бол Хойд Уэльст амьдардаг гэрэл зурагчин Сэмми. Хурим, студийн гэрэл зурагчнаар 10 жил ажилласан.

Надад Лланголлен хотод гэрэл зургийн студи, Киддо хэмээх кокер спаниел байдаг.

Миний нохой намайг "Cheeky Barkers" төслийг бүтээхэд нөлөөлсөн. Тэр миний хүрэмнээс зууш хулгайлж байгаад баригдаж билээ. Миний үйлчлүүлэгчдийн олон ноход иймэрхүү гэмт хэрэг үйлддэг байв.

Би олон нийтийн сүлжээгээр 52 нохойг урьж ямар ч хэмжээтэй, ямар ч ааштай, ямар ч хөгшин нохой Cheeky Barker-д оролцох боломжтой гэж зарласан.

Энэ төсөлд тулгарсан гол бэрхшээл нь ихэнх ноход өмнө нь студид очиж үзээгүй бөгөөд шинэ орчинд сандарч байсан.

Зураг авахаасаа өмнө тэдний зан байдлыг ойлгоход нэг нохойнд дор хаяж 10 минут зарцуулсан. Би нохойны эрүүл мэнд, үүлдрийн шинж чанар, нохойны аюулгүй байдлын талаарх мэдлэг, мэдлэгээ дээшлүүлэхийн тулд орон нутгийн нохой сургагч, нохойн мэргэжилтэнтэй хамтран ажилласан.

Нохой бол хүмүүсийн төсөөлдгөөс хамаагүй ухаалаг. Тэд бидэнтэй хэрхэн харилцаж байгааг ойлгох нь бидний үүрэг юм.

Гэрийн тэжээвэр амьтдад зориулсан хөрөг зураг миний сонирхлыг үргэлж татсаар ирсэн учир надад их сонирхолтой байлаа.

Нохойн ихэнх нь нутгийнх бөгөөд би тэднийг элдэв сонин байдалд орсон мэтээр зургийг нь авлаа.

Үүгээрээ хөзөр худалдаанд гаргасан бөгөөд бид захиалгаар илгээж байгаа.

Оймсны хулгайч