Дэлхийн оддын хамгийн том загварын ёслолын үйл ажиллагаа болох Мет Гала наадамд Ким Кардашиан домогт жүжигчин Мэрилин Монрогийн хувцсыг өмссөнийг энэхүү даашинзыг урласан загвар зохион бүтээгч шүүмжилжээ.
Алдарт загвар зохион бүтээгч Боб Макки Ким Кардашианы үйлдлийг "маш том алдаа" хэмээн тодорхойлов. Боб Макки карьерынхаа эхэн үед Монрогийн гоёлын даашинзыг урлаж байжээ.
Ким Кардашиан энэ жилийн Мет Галад Мэрилин Монрогийн алдарт "Ноён Ерөнхийлөгч” хэмээх нэрээр алдаршсан /ерөнхийлөгчид хандан төрсөн өдрийн дуу дуулахдаа өмсөж байсан учир ийн нэрлэжээ/ даашинзыг өмссөнд Боб Макки өөрийн байр сууриа илэрхийлж "Би үүнийг том алдаа гэж тодорхойлно. Мэрилин бол “бурхан” байсан. Галзуу хэр нь гэгээн дарь эх. Тэр зүгээр л гайхалтай нэгэн байсан. Энэ даашинзыг би зөвхөн түүнд зориулж урласан. Өөрөөр хэлбэл түүнээс өөр хэн ч энэ даашинзаар гангарах ёсгүй юм” гэжээ.
Мэдээж тэр загварын мэргэжилтэн учир хувцас загварын ач холбогдлын талаар мэдлэгтэй нэгэн. Тэрээр карьерийнхаа эхэнд Академийн шагналт дизайнер Жан Луисын туслахаар ажиллаж байхдаа энэхүү даашинзын ноорог зургийг гаргаж байжээ.
Макки энэ оны эхээр "Vogue" сэтгүүлд өгсөн ярилцлагадаа Монрог хаана өмсөхийг мэдэхгүй ч уг нооргоо зурахдаа дөнгөж 21 настай байсан гэжээ.
Энэ сарын 2-нд Кардашиан Метрополитен музейн шатаар алхахдаа 60 жилийн настай даашинзыг өмссөн байсан нь Мет Галагийн нэг онцлох сэдэв болсон юм. Тэрээр өнгөрсөн жилийн Мет Галад оролцсоныхоо дараагаар хувцасныхаа санааг олсон тухайгаа "Vogue" сэтгүүлд ярьж байв.
Эх сурвалж: Today
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
3343
26727
2021-12-17