Тэр чамд үнэхээр хайртайг илтгэх 12 шинж

Хайртай хүн чинь чамд ч бас хайртай эсэхэд эргэлзэж байна уу? Эсвэл чи түүнд хайртай эсэхдээ хараахан бүрэн итгэлтэй болоогүй байна уу? Тэгвэл бид энэ удаагийн нийтлэлээрээ хос чинь чамд үнэхээр хайртайг илтгэх 12 шинжийг танилцуулах болно. Үүнийг уншсаны дараа тээнэгэлзээ чинь алга болно гэж найдаж байна.

1.ЧАМД Л ЗОРИУЛЖ БЭЛЭГ СОНГОДОГ

Чамайг мууранд дуртай болохоор мууртай оймс өгдөг нэгэн. Дэлхийн хамгийн гайхалтай бэлгийг өгөхгүй байж болох ч чиний хэлсэн жижиг зүйл бүрийг санаж чамд яг л хэрэгтэй байгаа зүйлийг өгч чаддаг нэгэн.

2.ЧИНИЙ ДУРГҮЙ  ГЭРИЙН АЖЛЫГ ӨМНӨӨС ЧИНЬ ХИЙДЭГ

Хайртайгаа илэрхийлэхийн тулд заавал тийм том зүйл хийх шаардлагагүй шүү дээ. Хүн бүрийн хайрын хэл ялгаатай. Гэвч чиний дургүй аяга угаах, хог асгах зэрэг гэрийн ажлыг өмнөөс чинь хийж байгаа бол чамайг үнэхээр их анхаардаг гэсэн үг юм.

3.ЧИНИЙ ДУРТАЙ ЗҮЙЛИЙГ ОРОЛДОЖ ҮЗДЭГ

Чиний дуртай хоолыг идэж, дуртай номыг чинь уншиж, дуртай киног чинь үздэг бол чамайг таньж мэдэх гэж хичээж байгаа гэсэн үг юм. “Тэр минь жаргалтай бол би жаргалтай” гэсэн үг байдаг шүү дээ.

4.ЧАМАЙГ ЦАГ ҮРГЭЛЖ САНУУЛДАГ ЗҮЙЛ

Өндөр сэтгэгдэл үлдсэн үйл явдлыг хүн амархан мартдаггүй шүү дээ. Хамтдаа алхсан гудамж, анхны болзоон дээрээ үзсэн кино зэрэг нь чамайг түүнд чинь санагдуулдаг бол чамтай байхдаа түүний сэтгэл хөдөлдөг болохыг харуулж байгаа юм.

5.ЧИНИЙ ТУХАЙ ГЭР БҮЛ, НАЙЗ НӨХДӨДӨӨ ЯРЬДАГ

Тэр ямар ч шалтгаангүйгээр чамайг ярьдаг. Найз нөхдөөрөө юм ярьж сууж байгаад нэг л мэдэхэд чиний тухай ярьчихдаг. Хэдийгээр ээж аавдаа чамайг танилцуулаагүй ч чиний тухай байнга ярьдаг бол болзоот нэгэн чинь чамд хайртайг илтгэх бас том дохио юм.

6.ЧАМТАЙ БАЙХДАА ӨӨРИЙНХӨӨРӨӨ БАЙДАГ

Болзоот нэгэн чинь найзуудынхаа хажууд байхдаа өөр нэгэн шиг санагдаж байсан уу? Тэгвэл тэр чиний хажууд өөрийнхөөрөө байж чаддаггүй байж болох юм. Хэрвээ болзоот нэгэн чинь чамтай байхдаа ч, найз нөхөдтэйгөө байхдаа ч ижил хандлага гаргадаг бол чиний хажууд өөрийнхөөрөө байдаг гэсэн үг юм. Хүн хайртай хүнийхээ хажууд л хамгийн өөрийнхөө байдаг шүү дээ.

7.ЧАМАЙГ ЦАГ ҮРГЭЛЖ АНХААРДАГ

Хэдэн сарын өмнө хэлсэн зүйлийг чинь санаад л, чамаас зурвас ирвэл кино үзэж байсан ч, тоглож байсан ч түр зогсоож байгаад чам руу хариу бичдэг бол чамайг анхаардаг болохыг илтгэх дохио юм.

8.ЧИНИЙ ТУХАЙ БОДДОГ

Ажлаа хийж байгаад чамайг санавал, чамайг санагдуулах зүйл гарвал шууд л чам руу зурвас бичдэг бол чиний талаар боддог гэсэн үг. Чиний тухай бодож байна гэдэг нь чамайг хайрладаг болохыг нотлох бас нэгэн дохио юм.

9.ХЭРЭГТЭЙ ҮЕД ЧИНЬ ХЭРЭГТЭЙ ЗҮЙЛИЙГ ЧИНЬ ӨГДӨГ

Тэр чамаас асуухгүйгээр чамд хэрэгтэй зүйлийг мэддэг. Тэгсэн ч чамд тусалсан гэж гомдолдоггүй. Хэчнээн ажилтай байсан ч хэрэгтэй үед чинь үргэлж чиний хажууд байдаг бол чамайг чин сэтгэлээсээ хайрладаг байж болох юм.

10.ТЭР ЧАМААС ДЭМЖЛЭГ АВДАГ

Ямар нэгэн хэцүү зүйл тохиолдвол шууд л чам руу залгадаг, чамд хэнээс ч илүү итгэж өөрийн асуудлаа ярьдаг. Хэдийгээр та хоёр муудалцсан байсан ч хамгийн түрүүнд чамаас л тусламж эрдэг бол чамд сул талаа харуулахаас айхгүй байгаа хэрэг юм.

11.ЧИНИЙ ХҮСЭЛ МӨРӨӨДЛИЙГ ДЭМЖДЭГ

Чамайг шинэ зүйл сурах, шинэ ажил эхлүүлэхийг хамгийн ихээр дэмжиж, хүсэл сонирхлыг чинь үгүйсгэдэггүй. Чамайг амжилт гаргах үед чамаар хамгийн ихээр бахархдаг бол тэр чамайг эргэлзээгүй хайрладаг.

12.ЧАМАЙГ ХАРААД ИНЭЭДЭГ

Чамайг ирж байхыг хараад, өхөөрдөм үйлдэл гаргахыг чинь хараад, инээхийг чинь хараад инээдэг бол чи түүнийг жаргалтай болгож байгаа хэрэг юм.

Үнэхээр чамд хайртай хүн аливаа үйлдлийг хийхдээ заавал хийх ёстой юм шиг ханддаггүй. Чин сэтгэлийн үг, үйлдэл чамд мэдрэгдэх болно. Гэвч бас хүн бүрийн хайраа илэрхийлэх мэдрэмж өөр өөр гэдгийг бодолцоорой. Чамайг алдахыг хүсдэггүй, үргэлж хайрлаж дэмжих нэгнээ олно гэдэгт итгэж байна 

Эх сурвалж: Cosmopolitan