2021 оны хайрын ШИЛДЭГ дуунууд

Энэ жил хайрын тухай ямар дуунууд хит дууны жагсаалтад багтсан бол? Хамтдаа сонсоцгооё.

“IF IT AIN’T ME” - DUA LIPA

Дуучин Dua Lipa хит дууг хэрхэн бичихээ үнэхээр л мэддэг нэгэн. Өнгөрсөн гуравдугаар сард цацагдсан “If It Ain’t Me” хэмээх дуу нь хайрттайгаа байхдаа түүнийгээ алдчих вий хэмээн айж буй тухай өгүүлэх аж. Үнэхээр л хааяа бүх зүйл хэвийн байхад энэ мэт сонин бодлууд толгойд орж ирдэг үү гэвэл тийм ээ. 

Гунигтай утгатай ч гэлээ хэмнэл нь бол хөгжөөж чадахаар байгаа биз?

“LOVE MUSIC” - LIL YACHTY

Хэдийгээр реппэр Lil Yachty хайрын дууны “мэргэжилтэн” биш ч гэлээ сүүлд гаргасан “Love Music” хэмээх уран бүтээлдээ өөрийгөө илүү зөөлхөн, дулаахан байдлаар харуулж чаджээ. Яг л “rom-com” буюу хайр дурлал, инээдэм төрөл жанрын киноны OST болохоор дуу шиг сонсогдоод байгаа юм даа...

“SHOULDN’T MATTER BUT IT DOES” - JOHN MAYER

Хайрын дууны жагсаалтад John Mayer-ийн дууг оруулахгүй бол алдас болох биз. Энэ уран бүтээлийн хувьд хэдийнэ өндөрлөсөн харилцаагаа эргэн нэг харж буй тухай дуулна. “Тэр үед тэгчихсэн бол”..., “Тэгдэг л байж дээ...” гэх бодол. “Хэрвээ цаг хугацааг ухраагаад тэр үед эргэн очоод арай өөр сонголт хийсэн бол...”

“DEATH DO US PART” - NICK JONAS

Үхэл хүртэл та хоёрыг салгаж чадахгүй мэт мэдрэмж төртлөө дурлаж байв уу? Тийм бол энэ дууг чамд зориулъя. Дуучин Nick Jonas-ийн зөөлхөн хоолой энэ мэдрэмжийг улам танил мэдрүүлэх болов уу.

“DE UNA VEZ” - SELENA GOMEZ

Поп дуучин Selena Gomez, Camilo нарын хамтран дуулсан “999” хэмээх уран бүтээл бидний дуулиан шуугиантай өдрүүдэд зөөлөн мэдрэмжийг бэлэглэх болно.

“DEJA VU” - OLIVIA RODRIGO

Сүүлийн үед хайрын дуунуудыг хашрааж буй залуу дуучин Olivia Rodrigo-гийн ээлжит уран бүтээл. Энэ удаа тэрээр экс нь шинэ хайрттайгаа яг л өөртэй нь хамт хийдэг байсан зүйлсийг хийж буй тухай дуулжээ. Зөвхөн чамтай л хийдэг байсан зүйлсээ өөр нэгэнтэй, бүр шинэ хайрттайгаа хийхийг нь харах мэдрэмж...

“MR. PERFECTLY FINE” - TAYLOR SWIFT

Энэхүү уран бүтээл дуучин Taylor Swift-ийн 2008 онд цацсан “From the Vault” цомогт багтаж байсаэ бөгөөд энэ оны эхээр “Fearless” цомогтоо дахин багтаан гаргажээ. Фэнүүд нь түүнийг уг дууг дуучин Joe Jonas-т зориулан бичсэн хэмээн таамагладаг. Тэд 2008 оны долдугаар сараас аравдугаар сар хүртэл үерхсэн юм.

“FOLLOW YOU” - IMAGINE DRAGONS

Поп рок урсгалаар уран бүтээлээ голчлон туурвидаг Imagine Dragons хамтлагийн “Follow You” дуу хайртай нэгнээ хаа ч явсан дагаж, унаж бүдэрсэн ч хажууд нь байхыг хүсэж буй тухай дуулдаг. Эрч хүчтэй дуу сонсох дуртай бол үүнийг заавал сонсоод үзээрэй.

“HOLY” - JUSTIN BIEBER FEAT. CHANCE THE RAPPER

Дуучин Justin Bieber-ийн студийн зургаа дахь цомгийнхоо гол дуугаар сонгосон уг бүтээлд тэрээр гэргий Hailey Bieber болон бурханд хэчнээн их хайртайгаа дуулжээ.

“SAVE YOUR TEARS” - THE WEEKND

Ирээдүйд хамт байж чадах хүмүүс биш гэдгээ мэддэг ч хамт баймаар санагддаг, тийм хүн чамд байсан уу? Тэгвэл “Save Your Tears” зүрхэнд чинь хүрэх болно оо.

“DRIVER’S LICENSE” - OLIVIA RODRIGO

“High School Musical: The Musical: The Series” цувралаараа багагүй хүмүүст танигдсан Olivia Rodrigo-г өнөө цагийн шилдэг залуу дуучдын нэг болгоход “Driver’s License” дуу хамгийн ихээр нөлөөлсөн билээ.

“ANYONE” - JUSTIN BIEBER

Энэ бол зүгээр л галзууртлаа дурласан хүний дуу. Клип нь ч хөөрхөн. Ер нь л энэ дуу чамд их дулаахан мэдрэмж төрүүлнэ.

“TALK ABOUT LOVE” - ZARA LARSSON

Хааяа хайр дурлал, хосын харилцаа, тэдгээрийг дагаж ирэх үүрэг хариуцлага хэтэрхий хүнд мэт санагдана. Гэхдээ энэ бүгдийг мартаад зүгээр л одоогийн энэ мөчдөө төвлөрвөл ямар вэ? “Talk About Love” яг л ийм дуу.

“VIBEZ” - ZAYN

One Direction хамтлагийн дуучин асан Zayn Malik энэ онд “Nobody Is Listening” нэртэй цомгоо гаргасан билээ. Тус цомгийн гол уран бүтээл болох “Vibez” дууг сонсоод чиний толгойд шууд л эхнэр Gigi Hadid нь бодогдох байх аа.

Эх сурвалж: Cosmopolitan