Ирэх АРВАННЭГДҮГЭЭР сард NETFLIX-д байрших ШИЛДЭГ бүтээлүүд

Миау | YOLO.MN
2020-10-22

Видео стрийминг үйлчилгээний зах зээлийг ноёрхогч "Netflix" сар бүр контентын сангаа шинэчилж байдаг нь сайшаалтай. Ингээд ирэх арваннэгдүгээр сард тус үйлчилгээнд нэмэгдэх гэж буй уран бүтээлүүдийн талаарх мэдээллийг багцлан хүргэж байна.

АРВАННЭГДҮГЭЭР САРД НЭМЭГДЭХ ОНЦЛОХ БҮТЭЭЛҮҮД

1. THE CROWN /4-Р БҮЛЭГ/

Эхний анги цацагдах тов: Аравдугаар сарын 15

Тайлбар: Их Британийн хатан хааны амьдралыг өгүүлэх "The Crown" цувралын дөрөвдүгээр бүлэг ирэх сард үзэгчдийн хүртээл болохоор болжээ. Нээлтээ хийсэн даруйдаа үзэгч, кино шүүмжлэгчдээс өндөр үнэлгээ авсан уг цуврал тайз, дэлгэцийн шилдгүүдийг шалгаруулдаг шагнал гардуулах ёслолуудаас нийт 30-аад шагналыг хүртээд байна.

2. DASH & LILY

Эхний анги цацагдах тов: Аравдугаар сарын 10

Нийт ангийн тоо: 8

Тайлбар: "Dash & Lily's Book of Dares" номын зохиолоос сэдэвлэн бүтээгдсэн романтик, инээдмийн төрлийн "Dash & Lily" цуврал залуусын дунд багагүй хүлээлт үүсгээд буй. Эрэгтэй гол дүр буюу Dash-ийн дүрд "Euphoria" цувралын Ethan Lewis-ийн дүрийг бүтээсэн жүжигчин Austin Abrams тоглосон бол эмэгтэй гол дүрд залуу жүжигчин Midori Francis тоглосон аж.

3. JINGLE JANGLE: A CHRISTMAS JOURNEY

Цацагдах тов: Аравдугаар сарын 13

Үргэлжлэх хугацаа: 122 минут

Тайлбар: Бид өвөл юуг хүлээдэг вэ? Мэдээж Зул сар болон Шинэ жилийн баярыг хүлээдэг. Сэтгэл дотрыг дулаацуулж амьдралд гэрэл нэмэх эдгээр баяруудыг хайртай, дотнын хүмүүсгүйгээр төсөөлшгүй билээ.

Киноны үйл явдлын тухайд нас дээр гарсан, тоглоом бүтээгч өвөө ач охинтойгоо хамтран нэгэн ид шидийн бүтээл урлана. Энэхүү бүтээлээ Зул сарын баяраар ажиллуулж чадвал тэдний амьдрал тэр чигтээ өөрчлөгдөх болно.

Уг киноны продюсерээр алдарт дуучин John Legend ажилласнаас гадна "Key & Peele" инээдмийн цувралын гол дүр Keegan-Michael Key энэхүү киноны эсрэг талын дүрд тоглосноороо онцлог юм.

4. CITATION

Цацагдах тов: Аравдугаар сарын 15

Үргэлжлэх хугацаа: 151 минут

Тайлбар: Магистрын ангийн сэргэлэн оюутан Moremi сургуульдаа нэр хүндтэй профессорыг өөрийг нь хүчирхийлэхээр завдсан талаар мэдэгдэнэ. Энэхүү киног бодит явдлаас сэдэвлэн бүтээсэн тул та бүхэн заавал үзээрэй.

5. "IN WONDER"

Цацагдах тов: Арваннэгдүгээр сарын 23

Үргэлжлэх хугацаа: 83 минут

Тайлбар: Дуучин Shawn Mendes-ийн дуу хөгжмийн ертөнцөд хүч үзэх явцдаа өөрийгөө хэрхэн олж нээсэн талаар өгүүлэх "In Wonder" баримтат кино ирэх сарын 23-ны өдөр "Netflix" видео стрийминг үйлчилгээнд байрших билээ. Тэрээр уг кинонд өөрийгөө хувь хүн талаас нь түлхүү харуулах аж.

Гэхдээ түүний шүтэн бишрэгчид энэ бүгдээс илүү дуучин Camila Cabello-той үүсгэсэн харилцааных нь талаар үзэх хүлээлттэй байгаа гэж хэлж болно. Учир нь "In Wonder" киноны албан ёсны трейлэр бичлэгт дуучин залуу өөрийнхөө бичсэн бүхий л хайрын дууг дуучин Camila Cabello-д зориулагдсан гэж хэлжээ. Өөрөөр хэлбэл болзож байгаагаа албан ёсоор зарлахаасаа ч өмнө тэрээр дуунуудаа Camila-д зориулж бичдэг байсан аж.