Залуусын тогтвортой ажил эрхлэлтийг дэмжих хөтөлбөр зарлагдлаа

Залуусын тогтвортой ажил эрхлэлтийг дэмжих хөтөлбөр зарлагдлаа.

Энэхүү хөтөлбөр нь залуусын хөдөлмөр эрхлэлтийг нэмэгдүүлж, тогтвортой ажлын байр, орлоготой болоход нь дэмжлэг үзүүлэх зорилготой аж. Хөтөлбөрт хамрагдсан залууст ажилд ороход болон ажлын байранд түгээмэл шаардагддаг ур чадваруудыг эзэмшүүлэх бөгөөд долоо хоног тутамд 3-4 цагийн танилцах аялал, танхимын сургалтуудад хамруулах юм. 

Уг хөтөлбөрт хамрагдахын тулд дараах шаардлагыг хангасан байна. Үүнд:

• 26 хүртэлх настай байх
• 6 сараас дээш хугацаанд ажил идэвхтэй хайсан байх
• Их, дээд сургуульд сурч байсан эсвэл төгссөн байх (төгсөх курсийн оюутан байж болно)
• Хөтөлбөрийн хугацаанд идэвхтэй оролцох
• Ажил хөдөлмөр эрхлэх чин хүсэл эрмэлзэлтэй байх
• Улаанбаатар хотод амьдардаг байх (алслагдсан дүүрэг, хорооны иргэн бол давуу тал болно)

Дээрх шаардлагуудыг хангасан оролцогчид өргөдлийн маягтыг ОНЛАЙНААР эсвэл ӨӨРИЙН БИЕЭР ОЧИЖ бөглөж болно. 

Өргөдлийг онлайнаар бөглөх бол ЭНД дарна уу. Харин өөрийн биеэр очиж бөглөх бол Зориг сангийн байранд ажлын цагаар ирэн бөглөх боломжтой. 

Өргөдөл хүлээн авах сүүлийн хугацаа: 2020 оны наймдугаар сарын 17-ны өдрийн 23:59 минут хүртэл хүлээн авна. 

Эх сурвалж: Zorig Foundation Фэйсбүүк хуудас