Монголбанкнаас Олон нийтийн санхүүгийн суурь мэдлэгийг дээшлүүлэх үндэсний хөтөлбөр болон “Банкны хөгжил – 95 жил ” аяны хүрээнд “Хувь хүний санхүү” хичээлийг сонгон судалж буй 1-р курсийн оюутнуудын дунд “Хэн сайн санхүүч болох вэ?” сэдэвт АХА тэмцээнийг зохион байгууллаа.
Уламжлал болон дөрөв дэх жилдээ зохион байгуулагдсан энэ тэмцээнд Монгол Улсын их сургууль, Худалдаа үйлдвэрлэлийн их сургууль, Санхүү эдийн засгийн их сургууль, Улаанбаатар эрдэм их сургууль, Эдийн засгийн үндэсний дээд сургуулийн 70 гаруй оюутан оролцож, оюун ухаан, мэдлэг чадвараа сорилоо.
Энэхүү тэмцээний зорилго санхүүгийн онолын мэдлэг, чадварыг нэмэгдүүлэхэд оршиж байгаа юм.
Тэмцээний эхний гурван байранд МУИС-ийн оюутан Б.Пүрэв, ХҮИС-ийн оюутан М.Баасандолгор, МУИС-ийн оюутан Ж.Отгонбаатар нар шалгарч, Улаанбаатар Эрдэм их сургуулийн оюутан Д.Барсбаатар, МУИС-ийн оюутан Б.Оюунбилэг тусгай байранд орлоо.
Эх сурвалж: Монголбанк Олон нийтийн боловсрол, мэдээллийн төв
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
489
6954
2020-08-04