“АртиКоур” галерейн зургийн дугуйлангийн хүүхдүүд Улаанчулуутын хогийн цэгийн хажууд шинээр баригдсан “Нарны хүүхдүүд-2” цэцэрлэгийн дотор ханыг чимэглэн зураг зуржээ.
Сонгинохайрхан дүүргийн 260-р цэцэрлэг буюу “Нарны хүүхдүүд-2” нь олны хандиваар баригдсан бөгөөд удахгүй нээлт нь болох юм. Зураач хүүхдүүд үлгэрийн болон хүүхэлдэйн киноны баатрууд гээд олон сонирхолтой зургийг будаг нь ханхалсан шинэхэн цэцэрлэгийн ханан дээр сайн дураараа зуржээ.
“Нарны хүүхдүүд-2” цэцэрлэгийн тухай товчхон:
Улаанчулуутын хогийн цэгийн баруун захаар амьдардаг хүүхдүүдэд зориулан барих “Нарны хүүхдүүд-2” цэцэрлэгийн дотоодын хандив тусламжийн аяныг өнгөрсөн оны дөрөвдүгээр сард эхлүүлжээ.
Өмнө нь “Нарны хүүхдүүд-1” төслийг Канадын иргэн, хатагтай Жули Вэлүү санаачилсан бөгөөд Улаанчулуут дахь хогийн цэг дээр амьдардаг айл өрхүүдийн хүүхдүүдийг тохилог дулаан, эрүүл орчинд сурч хүмүүжүүлэх зорилгоор уг цэцэрлэгийг байгуулсан аж. Вэлүү Сангийн хэрэгжүүлдэг хамгийн том төсөл болох “Нарны хүүхдүүд-1” цэцэрлэгт одоогоор зорилтот бүлгийн 150 хүүхэд хамрагдаж буй бөгөөд хажуудаа орон нутгийн хүмүүсийн ажил эрхлэлтийг дэмжих зорилгоор жижиг оёдлын цех байгуулан ажиллаж байна. Мөн "Орон нутгийн номын сан", "Гэр Ээж" хүүхэд асрах хөтөлбөр, "Зуны Зуслан", "Тэтгэлэгт Оюутан" гэх мэт туслах төсөл хөтөлбөрүүдийг хэрэгжүүлдэг гэнэ.
Улаанчулуутын хогийн цэг 8 км хүртэл үргэлжилдэг бөгөөд “Нарны Хүүхдүүд-1” цэцэрлэг хогийн цэгийн зүүн хойд хэсэгт байрладаг. Иймд хогийн цэгийн баруун захаар амьдарч байгаа хүүхдүүдэд хүрэхийн тулд “Нарны хүүхдүүд-2” цэцэрлэгийг барих ажлыг анх эхлүүлжээ.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
517
2936
2021-02-18