Yolo.mn сайтын редакц нь ямар нэгэн асуудал тулгарсан уншигч хүүхдүүдээс захиа хүлээн авч мэргэжлийн сэтгэл судлаач болон эмчийн хариу зөвлөгөөг уламжлан хүргэдэг. Ээлжит захиа болон зөвлөгөөг хүргэж байна.
АСУУДАЛ: Болдогсон бол цаг хугацааг ухраагаад алдаагаа засмаар байна
Сайн байна уу? Намайг З гэдэг би 13 настай. Би нэг хөвгүүнтэй үерхдэг байсан юм. Гэтэл сар гаруйн өмнө нэг зүйлээс болоод тэр надаас салсан. Бид хоёр одоо ч гэсэн харьцаатай байдаг. Би түүнд одоо ч хайртай, мартаж чадахгүй байна. Тиймээс би өчигдөр хэр их хайртай, мөн буцаж нийлье гэсэн утгатай зурвас чатаар явуулсан. Харин тэр намайг орой блоклочихсон байсан.
ЗӨВЛӨГӨӨ: Тэр хүү өөрийгөө ойлгохгүй байгаа байж болно
Сайн уу, бидэнд хандсан баярлалаа. Өсвөр насны үерхлийн зорилго нь өөрийгөө, бас нөгөө хүнээ ойлгох, цаашдаа хүнтэй үерхэх, бүр гэрлэх үедээ ямар харилцааг хүсч байгаагаа мэддэг болох, товчхондоо энэ харилцаанаасаа ямар нэг зүйл сурч авах л зорилготой болов уу. Хэрвээ тэгж бодвол чи юу ойлгож, сурсан бэ? Алдаагаа засмаар байна гэжээ. Үнэхээр алдсан бол дараагийн удаа яаж ижил алдаа гаргахгүй байх вэ?
Мөн цаг хугацааг ухрааж болохгүйгээс хойш өнгөрснийг бодож шаналах биш, ирээдүйдээ юу хийж, юу авмаар, юу мэдэрмээр байгаагаа бодоод одооноос өөрийгөө бэлдээрэй. Амжилт хүсье!
Сэтгэл судлаач Б. Алтанцэцэг
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
70
2848
2016-05-20