Турк Улсад тэтгэлгээр МАГИСТР, ДОKТОРТ суралцуулах бүртгэл ирэх сард дуусна

БНТУ-ын Засгийн газрын 2018-2019 оны хичээлийн жилийн магистр, докторын тэтгэлэгт хөтөлбөрийн бүртгэл энэ сарын 5-наас ирэх сарын 5-ны өдрүүдэд явагдана.

Бүртгэлтэй холбогдуулан тус улсын ЭСЯ-наас түгээмэл тавьдаг асуултуудад хариулах зорилгоор олон нийтэд дараах анхааруулгыг хүргэжээ.

• Турк Улсын холбогдох нэр бүхий албан байгууллагаас гадна тус тэтгэлгийн бүртгэлтэй холбоотой ямар нэг эрх бүхий итгэмжлэгдсэн байгууллага болон хувь хүн огт байхгүй болно.
• Бүргүүлэхийг хүссэн иргэд зөвхөн "www.turkiyeburslari.gov.tr"  цахим хаягт хандаж, бүртгэлээ хийх боломжтой. Бүртгэлийн системийн зааврыг анхааралтай уншихыг зөвлөж байна.
• Тэтгэлэгт хөтөлбөрийн бүртгэл үнэ төлбөргүй.
• "Турк Улсын тэтгэлэгт тэнцүүлнэ" гэсэн амлалт өгч, төлбөр шаардсан аливаа хувь хүн, байгууллагын хуурамч амлалтад итгэхгүй байхыг анхааруулж байна.