Англи хэлний "АКСЕСС ТЭТГЭЛЭГ ХӨТӨЛБӨР" зарлагдлаа

Улаанбаатар хотын төвөөс алслагдсан, амьжиргааны түвшин доогуур, Ерөнхий боловсролын сургуулийн 9,10-р ангийн англи хэлний мэдлэг чадвараа дээшлүүлэн шинийг эрэлхийлж  бүтээлч арга барилд суралцах хүсэлтэй сурагчдад зориулсан 2 жилийн тэтгэлэгт хөтөлбөр.

Хөтөлбөрт оролцогчдод тавигдах шаардлага:

•    Ерөнхий боловсролын сургуулийн 9,10-р ангийн сурагч
•    Хөтөлбөрт материал гаргах үедээ 13 нас хүрсэн
•    Сурлага сайтай, англи хэлний зохих мэдлэгтэй
•    Олон нийтийн ажилд идэвхтэй оролцдог, өөрийгөө хөгжүүлэх чин хүсэл эрмэлзэлтэй
•    2 жилийн хугацаанд тасралтгүй хөтөлбөрт оролцох боломжтой байх

Шаардлага хангаж буй сурагчид өргөдлийн маягтыг  пэйж хуудаснаас болон Монголын 4-Н Хүүхэд Залуучуудын байгууллагас биечлэн ирж авч  дараах материалуудын  хамт 2017 оны 9-р сарын 27-ны 17:00 цагаас өмнө хүлээлгэн өгнө. 
Хөтөлбөрт оролцогчид эхний шатанд дараах  материалыг бүрдүүлнэ:

1. Өргөдлийн маягт  /ЭНД   дарж татаж авах эсвэл биечлэн ирж авна/
2. Суурь боловсролын гэрчилгээний хуулбар ( өмнөх жилийн голч дүнгийн хуулбар)
3. Төрсний гэрчилгээний хуулбар
4. Цээж зураг - 1%  /сүүлийн 6 сард авахуулсан 3*4 /
5. Ангийн багш  болон Англи хэлний  багшийн тодорхойлох захидал (Монгол хэлээр загварын маягт бөглөнө)
6. Өрхийн орлого нотлох баримтууд    
-    Оршин суугаа  хорооны тодорхойлолт
-    Хамт амьдардаг асран хамгаалагч нарын ажлын газрын тодорхойлолт, нийгмийн даатгалын дэвтрийн хуулбар, нийгмийн халамж үйлчилгээнд хамрагддаг бол тодорхойлолт, дэвтрийн хуулбар 
7. Дараах  сэдвээр Эссе бичнэ. (Монгол хэлээр үгийн тоо 500-аас хэтрэхгүй)
    1. Яагаад би Аксесс хөтөлбөрт хамрагдах ёстой вэ?

Шалгаруулалт:

1. Эхний шатны шалгаруулалт: Сурагчдын өргөдөл бүрдүүлсэн бичиг баримтууд дээр үндэслэн сонгох бөгөөд зөвхөн дараагийн шатанд тэнцсэн сурагчидтай  утсаар холбогдоно

2. Англи хэлний тест: Эхний шатанд тэнцсэн сурагчид Англи хэлний бичгийн тестийг өгч  дүнгийн үзүүлэлтээр тэнцсэн сурагчидтай утсаар холбогдож ярилцлаганд урина. 

3. Ярилцлага: Англи хэлний тестийн шалгалтанд тэнцсэн сурагчид  ярилцлага өгөх бөгөөд энэхүү ярилцлагын дүнгээр хөтөлбөрийн эцсийн шийдвэр гарна.

Жич: Хэрэв сурагчийн бүрдүүлсэн бичиг баримтаас аль нэг нь дутуу, хугацаа хоцорсон тохиолдолд шалгаруулалтаас автоматаар хасагдахыг анхааруулж байна.