Украин улсад суралцуулах сонгон шалгаруулалт зарлагдлаа /2017-2018/

Украин улсад  суралцуулах сонгон шалгаруулалт ЕБС-ийн төгсөгчид болон их, дээд сургуулийн оюутнуудын дунд зарлагдлаа.

Мэргэжлийн  чиглэл: Украин: Байгаль орчин, ногоон хөгжил, тусгай хэрэгцээт боловсрол, сургуулийн өмнөх боловсролын арга зүй, соёлын өвийн сэргээн засварлагч, соёл урлаг, уул уурхай, хөдөө аж ахуй, зам тээвэр, барилга хот байгуулалт, биотехнологи, нанотехнологи, химийн инженерчлэл.

Нэг. Тавигдах шаардлага

Бакалавр

Ерөнхий боловсролын  сургуулийн төгсөх ангийн иргэн, Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид 3.0 ба түүнээс дээш голч дүнтэй суралцаж байгаа;

Хоёр. Бүрдүүлэх баримт бичиг:

Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид суралцаж буй иргэн:

• Цахим өргөдөл
• Суралцаж буй сургуулийн тодорхойлолт;
• Дүнгийн хуулбарын эх хувь /голч дүнтэй/;
• Бүрэн дунд боловсролын гэрчилгээ, дүнгийн хавсралтын нотариатаар баталгаажуулсан хуулбар;
• Иргэний үнэмлэхийн нотариатаар баталгаажуулсан хуулбар
• Сонгон шалгаруулалтад орохыг дэмжсэн сургуулийн захирлын албан бичиг;
• Бүртгэлийн хураамж 15000 төгрөг төлсөн баримт.

Ерөнхий боловсролын  сургуулийн төгсөх ангийн иргэн

• Цахим өргөдөл
• Сонгон шалгаруулалтад орохыг дэмжсэн сургуулийн захирлын албан бичиг;
• Сүүлийн хагас жилийн дүнгийн тодорхойлолт;
• Иргэний үнэмлэхийн нотариатаар баталгаажуулсан хуулбар;
• Бүртгэлийн хураамж 15000 төгрөг төлсөн баримт;

Гурав. Бүртгэл

2017 оны 06 дугаар сарын 01-нээс 09-ний өдрийн 23 цаг хүртэл esis.edu.mn/grant цахим хаягаар бүртгэл хийнэ. Холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөж, Цахим өргөдөлд дурдсан баримт бичиг тус бүрийг PDF хэлбэрээр “баримт бичиг” хэсэгт хавсаргана.

Бүртгэлийн  хураамж 15000 төгрөгийг Төрийн сан дахь Боловсрол, соёл, шинжлэх ухаан, спортын яамны 100900015431 тоот дансанд тушаана. Хураамж төлсөн баримтад бүртгүүлэгчийн овог, нэр, регистрийн дугаар, утасны дугаар, гүйлгээний утга буюу аль улсын ямар тэтгэлэгт бүртгүүлэх тухай  мэдээллийг заавал оруулах шаардлагатай.

Дөрөв. Сонгон шалгаруулалт

Сонгон шалгаруулалтад оролцогч дараах шалгалтыг өгнө:

Бакалаврын сургалтанд бүртгүүлсэн иргэд математик, англи хэлний нэгдсэн шалгалтыг тестийн хэлбэрээр өгнө.

2017 оны 06 дугаар сарын 10-ны өдрийн 12.00 цагт Математик, Англи хэлний шалгалтыг Шинжлэх ухаан, технологийн их сургуулийн 1-р байранд тус тус зохион байгуулна. Шаардлага гарвал шалгалт авах нэмэлт байр гаргаж, шалгалтын үеэр жич зарлана.

Бүртгүүлэгч шалгалт  эхлэхээс 30 минутын өмнө, иргэний үнэмлэхтэй ирэх шаардлагатай. Иргэний үнэмлэхгүй иргэнийг шалгалтад оруулахгүй.

Бичгийн шалгалтын дүн болон ярилцлагад орох иргэдийн нэрс, ярилцлагын цагийн хуваарийг 2017 оны 06 дугаар сарын 10-ны өдрийн 18.00 цагт Боловсрол, соёл, шинжлэх ухаан, спортын яамны цахим хуудас дахь “гадаадад суралцах” цэсэнд зарлана.

Бүртгэлийн  асуудлаарх лавлагаа, мэдээллийг Боловсрол соёл, шинжлэх ухаан, спортын яамны +51 266428 утсаар авч болно.

МОНГОЛ УЛСЫН БОЛОВСРОЛ, СОЁЛ, ШИНЖЛЭХ УХААН, СПОРТЫН ЯАМ