Бруно Марсын хамгийн алдартай дуунууд

Алдарт дуучин, дуу зохиогч Бруно Марс 2016 оноос хойш шинэ цомог гаргаагүй ч түүний нэр алдар өссөөр байна

Сүүлийн долоон сарын хугацаанд Бруно Марс алдартай эмэгтэй уран бүтээлчидтэй хамтран хит дуунууд гаргаж, сая сая шүтэн бишрэгчдийг татаж буй.

Наймдугаар сард тэрбээр хожим “Grammy” шагнал хүртсэн “Die With a Smile” дуугаа Лэди Гагатай хамтран гаргасан бол аравдугаар сард “Blackpink” хамтлагийн гишүүн Rosé-той хамтран “APT” дууг олны хүртээл болгосон юм.

Үүний зэрэгцээ Бруно Марс “Spotify” дээр сарын 150 сая сонсогчтой болсон анхны уран бүтээлч болсны сацуу “Die with a Smile” дуу нь тус платформ дээр хамгийн богино хугацаанд нэг тэрбум хандалт авсан дуу болжээ. Одоогоор түүний 17 дууны хандалт нэг тэрбумын босго даваад байна.

Эдгээр бүх амжилтын үр дүнд Бруно Марс энэ сард “Bloomberg’s Pop Star Power” эрэмбийн дөрөвдүгээрт бичигдэж байна.

Бруно Марсын хуучны дуунууд ч амжилт үзүүлсээр байна. Өнгөрсөн долоо хоногт л гэхэд 2010 онд түүний гаргаж байсан “The Lazy Song” дуу “TikTok” дээрх бүжгийн трендийн ачаар “YouTube Music” жагсаалтын “Шилдэг 100 дуу”-ны жагсаалтын 58 дугаарт бичигджээ.

2014 онд Марк Ронсонтой хамтарсан “Uptown Funk” зэрэг дуу нь үдэшлэг, спортын арга хэмжээнүүдэд тогтмол эгшиглэдэг хэвээр байна.

Түүний хамгийн алдартай дуунуудын цөөнгүй нь томоохон уран бүтээлчидтэй хамтран бүтээсэн дуунууд байдаг. Тухайлбал: 2021 онд бөмбөрчин, дуучин Андерсон Пактай хамт “Silk Sonic” хэмээх хамтарсан цомгоо гаргаж байсан юм. 

Бруно Марсын хит дуунуудаас:

"Just the Way You Are" (2010) – Анхны томоохон хит, романтик баллад

"Grenade" (2010) – Хүчтэй сэтгэл хөдлөлтэй баллад

"Locked Out of Heaven" (2012) – Рок, регги хосолсон эрч хүчтэй дуу

"Treasure" (2013) – 80-аад оны диско стильтэй

"When I Was Your Man" (2013) – Гунигтай, хайрын дуу

"24K Magic" (2016) – Баяр баясгалантай, ретро уур амьсгалтай

"That's What I Like" (2017) – R&B, поп хосолсон хит

"Finesse" (Remix feat. Cardi B) (2018) – 90-ээд оны R&B стильтэй