Ye: Ким Кардашианаас хүүхэдтэй болохыг хэзээ ч хүсээгүй

Канье Уэст (буюу Ye) DJ Akademiks-тэй ярилцах үеэр Ким Кардашианы дөрвөн хүүхдийн асран хамгаалах асуудлын талаар ярьжээ.

Ye нь өөрийн хуучин эхнэр Ким Кардашианаас хүүхэдтэй болохыг хэзээ ч хүсээгүй гэж мэдэгдсэн байна.

Ярилцлагын явцад DJ Akademiks түүнээс:

"Кимтэй холбоотой асуудлаар та нэлээдгүй ярьж буй сонсогддог.  Гэхдээ хүмүүс 'Чи өөрөө түүнийг сонгосон шүү дээ, өөрийгөө ийм нөхцөл байдалд оруулсан. Мөн тэд таныг хариуцлага хүлээдэггүй' гэж ярьж байна.

Үүнд Ye: "Тийм ээ, энэ миний буруу. Би хүлээн зөвшөөрч байна." гэж хариулсан бөгөөд тэрээр Кимтэй хамт байх ердөө л эхний хоёр сарын дотор түүнээс хүүхэдтэй болохыг хүсэхгүй гэдгээ мэдсэн. Би энэ хүнтэй цуг хүүхэд өсгөхийг хүсээгүй, гэхдээ энэ нь Бурханы төлөвлөгөө биш байв." гэж тэр хэлжээ.

Ye болон Ким Кардашиан нарын дөрвөн хүүхэд бий: 11 настай Норт, 9 настай Сейнт, 7 настай Чикаго, 5 настай Псалм. Тэд салснаасаа хойш хамтдаа хүүхдээ өсгөх зохицуулалттай байсан ч Ye хэт даврагч үзэл бодлыг илэрхийлэх болсон тул асран хамгаалах эрхийн асуудал маргаантай болж эхэлжээ.

Ярилцлагын бусад хэсэгт Ye нь Кендрик Ламарыг өдөөн хатгаж "Түүнд ямар ч хит дуу байхгүй" гэж мэдэгдсэн байна. Түүнчлэн, "Дрейк бол Кендрикээс сая дахин илүү авьяастай, сая дахин илүү чухал хүн" хэмээн онцолжээ.

Мөн Кендрикийн 2022 онд гаргасан Mr. Morale & the Big Steppers цомгийг нь өөрийн 2016 оны The Life of Pablo цомогийн "шууд хуулбар" хэмээн шүүмжилжээ.

Эх сурвалж: Complex