ChatGPT-ээс гаргасан “Studio Ghibli”-ийн дүрслэлийг гайхалтайгаар дуурайх чадвараараа цахим орчинд шуугиан тарьсан энэ технологи одоо бүх хэрэглэгчдэд нээлттэй боллоо. Өмнө нь OpenAI хэт олон хэрэглэгчийн улмаас зөвхөн төлбөртэй хэрэглэгчдэд зориулах шийдвэр гаргасан ч эцэст нь бүх хэрэглэгчдэд ашиглах боломжийг бүрдүүлжээ.
OpenAI-ийн гүйцэтгэх захирал Sam Altman X дээрх нийтлэлдээ уг шинэчлэл “Одоо бүх үнэгүй хэрэглэгчдэд хүрсэн” гэж зарласан байна. Гэхдээ ашиглалтын хязгаарлалт байгаа бөгөөд ChatGPT өөрөө тодорхой тайлбар өгөөгүй ч "Үнэгүй хэрэглэгчид хязгаарлагдмал хандалттай" гэж дурджээ. Өмнө нь Altman чөлөөт хэрэглэгчдэд өдөрт гурван зураг үүсгэх боломж олгоно гэж мэдэгдсэн ба энэ нь үнэхээр хэрэгжиж эхэлжээ.
Энэхүү шинэчлэгдсэн зургийн үүсгэгч нь OpenAI-ийн GPU-4o загвараар ажиллан анх 3-р сарын 25-нд нээлтээ хийсэн. Нээлтээс ердөө нэг хоногийн дараа Altman цахим хуудаснаа хошигнон “Манай GPU-үүд хайлж байна” гэж хэлсэн нь эрэлтийн өндөр түвшинг харуулж байв. Нэг цагийн дотор ChatGPT нэг сая шинэ хэрэглэгч нэмэгдэж байсан тохиолдол ч гарсан байна.
Энэ технологи хурдан хугацаанд Японы аниме компани болох “Studio Ghibli”-тай төстэй хэв маягт зураг хувиргах зорилгоор хэрэглэгдэх болсон. Харин зохиогчийн эрх болон компаний өгөгдөлтэй холбоотой санаа зовнилт үүсгээд байсан.
OpenAI-ийн төлөөлөгч TechCrunch-д хэлэхдээ эдгээр бүх зургийн мета өгөгдөл нь ChatGPT-ээс үүсгэгдсэн гэж мэдэгдэл өгсөн.
Түүнчлэн өнөөдөр OpenAI SoftBank-ийн удирдлага дор $40 тэрбумын санхүүжилт татсан ба үүний үнэлгээ нь $300 тэрбумд хүрсэн байна. Компанийн мэдээллэснээр ChatGPT нь 500 сая долоо хоногийн идэвхтэй хэрэглэгчид, 700 сая сарын идэвхтэй хэрэглэгчидтэй болсон гэжээ.
Эх сурвалж: TechCrunch
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
526
7409
2018-02-01