Astro хамтлагийн гишүүн асан Moon Bin 2023 оны дөрөвдүгээр сарын 19-нд харамсалтайгаар амь насаа алдсан билээ. Moonbin-ий дурсгалд зориулж дотны найзууд нь ирэх дөрөвдүгээр сарын 19-нд хүндэтгэлийн дуу гаргахаар болсон гэдгийг JTBC-ээс мэдээллээ.
Энэхүү дуунд Astro хамтлагийн гишүүд болох Cha Eun Woo, MJ, Jinjin, Sanha болон түүний төрсөн дүү Billie хамтлагийн Moon Sua нар оролцох юм. Мөн түүнтэй нэг онд төрсөн дотны найзууд болох Seventeen хамтлагийн Seungkwan, DK, Viviz-ийн гишүүд ч уг дуунд нэгдэж байгаа аж.
Үүнээс гадна Monsta X хамтлагийн I.M, Kihyun, Minhyuk, Seventeen хамтлагийн Hoshi, Wonwoo, Mingyu, Ungjae, Choi Yoo Jung, Kim Do Yeon, SF9 хамтлагийн Chani, Stray Kids хамтлагийн Bang Chan нар оролцох гэнэ. Эл төслийг Cha Eun Woo санаачилж, найзууддаа санал тавьсан хэмээн зарим эх сурвалжууд мэдээлж байна.
Astro хамтлагийн энтертайнмент болох Fantagio уг мэдээллийг баталлаа.
Fantagio “Moonbin-ий найзууд дөрөвдүгээр сард хамтран дуу гаргах гэж байгаа нь үнэн. Энэхүү дуу нь түүний найзуудын Moonbin-д бичсэн захиа хэлбэртэй байх болно. Дууны талаарх дэлгэрэнгүй мэдээллийг тун удахгүй хуваалцах болно. Уг дуугаар дамжуулан Moonbin-ийг санаж, хайрласаар буй фенүүддээ тайвшрал, сэтгэлийн бэлэг болох болтугай гэж хүсэж байна” гэжээ.
Эх сурвалж: Soompi
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
558
9675
2022-01-07