Tik Tok-оос хамгийн их орлого олдог хэрэглэгчид

Тикток платформыг ашиглан орлогын томоохон эх үүсвэр болгон ашиглах олон хэрэглэгчид бий болсон билээ. Энэ удаагийн нийтлэлээр тус аппликейшнээс дэлхийд хамгийн их орлого олж буй 8 хүний орлогын хэмжээтэй танилцъя.

Khaby Lame: $259,153 (нэг бичлэг)

Нэгдүгээрт нэг бичлэг хийхэд $259,153-ын ашиг олдог хэмээн Khaby Lame эзэлж байна. Тэрээр илүү том бренд, компанитай хамтран ажиллавал нэг бичлэгээс $750,000 олох боломжтой байна.  Khaby Lame-ийн огт үг хэлдэггүй, инээдтэй хэв маягын бичлэг хийдэг гэдгээр нь дэлхий даяар мэддэг болсон билээ.

 Charli D’Amelio: $246,618.83 (нэг бичлэг)

Тэрээр тиктокт ихэвчлэн бүжгийн бичлэг хийдэг гэдгээрээ илүү их алдаршсан. Чарли анх 15 наснаасаа эхлэн тиктокт бичлэг оруулж эхэлсэн бөгөөд одоо 154 сая гаруй дагагчтай болжээ. Мөн “Dunkin Donuts” тэргүүтэй өөр олон брэндүүдтэй хамтран ажилладаг болсон байна.

Mr Beast: $151,773.61 (нэг бичлэг)

Дэлхий даяар тиктокоос гадна юүтүбээр сая сая дагагчтай Mr Beast тиктокд нэг бичлэг цацахад $151,773 хүртэл орлого олдог байна. Тэрээр сонин содон,  хачирхалтай туршилтууд хийн олонд түгээдэг. Мөн мод тарьж, байгаль орчиндоо ээлтэй иргэн байхыг сурталчилдаг. Дээр нь нэмж хэлэхэд  өөрийн виртуал рестораны бизнэс эрхэлдэг 26 настай эрэгтэй билээ.

Bella Poarch : $150,549.95 (нэг бичлэг)

Тэрээр 2020 оноос хойш тиктокт идэвхтэй байсаар ирсэн нь ийм хэмжээний орлогод хүрэхэд нөлөөлжээ. Bella ил тод, өөрийнхөөрөө байгаа байдлыг дагагчид нь ихээхэн үнэлдэг. Одоогоор HyperХ болон Warner Recording зэрэг алдартай брендүүдтэй хамтран ажиллаж байгаа байна.

Addison Rae: $142,031.61 (нэг бичлэг)

Түүний хийдэг төрлийн бүжгийн бичлэгүүд нь сая сая үзэгчдийг татдаг. Тус платформ дээр хамгийн бүтээлч бичлэг хийдэг хүмүүсийн нэг юм. Мөн Netflix дээрх “He is All That” хэмээх кинонд гол дүрийг бүтээн тоглож байсан билээ.

Zach King: $131,270.44 Per Video

Zach King нь дижитал орчинтой холбоотой олон бичлэг хийдэг. Жишээ нь VFX эффект ашиглан төрөл бүрийн бичлэг бүтээдэг бүтээлч сэтгэлгээтэй нэгэн билээ. Нэг жилд ойролцоогоор 4,7 сая доллар тиктокоос олох боломжтой болсон байна.

Kimberly Loaiza – $129,665.73 (нэг бичлэг)

Латин гаралтай эмэгтэй бөгөөд Юүтүбээс тикток руу шилжиж илүү олон үзэгчдийг татаж чаджээ. Хийдэг бичлэгийн төрөл нь түүний өдөр тутмын амьдралын хэв маягын талаар байдаг. Одоогоор тус платформ дээр 83,2 сая дагагчтай болжээ.

Will Smith: $118,333.26 (нэг бичлэг)

Тэрээр хувийн амьдрал болон карьерынхаа зарим хэсгийг хуваалцаж, өдөр тутмын энгийн мөчүүдийг үзэгчидтэйгээ хуваалцдаг. Холливуудын сонирхолтой үйл явдлуудыг амьдралд ойрхон талаар нь хослуулж бичлэг хийдэгт нь үзэгчид дуртай байдаг билээ.

Эх сурвалж: glewee