Таныг дэлгэцэд уях нэгдүгээр сарын шилдэг К-драмууд

Шинэ боломж, шинэ эхлэл, шинэ адал явдлаар дүүрэн нэгдүгээр сарын мэнд. Энэ сар нь шинэ эхлэл төдийгүй дэлгэцийн урлагт ч шинэхэн бүтээлүүдийн өрсөлдөөнт үе байдаг билээ.

Ингээд к-драмын үнэнч үзэгчдэдээ зориулан энэ сард нээлтээ хийх киног багцлан хүргэж байна. Нэгдүгээр сард нийтдээ 7 кино нээлтээ хийхээр төлөвлөжээ. Үүнд таныг дэлгэцэд уях шилдэг бүтээлүүд байгаа гэдэгт итгэлтэй байна.

“Love Scout”

Нээлтийн тов: Нэгдүгээр сарын 3

Жүжигчид: Han Ji Min, Lee Jun Hyuk

Нийт анги: 12
Кан Жи Юн бол өөртөө итгэлтэй, чадварлаг гүйцэтгэх захирал эмэгтэй. Гэвч тэрээр өөрийн ажлын салбартаа төгс хэдий ч бусад зүйлд тун маруухан. Түүнд бүхий л асуудлыг зохицуулдаг Ю Үн Хо гэх нарийн бичиг бий. Ю Үн Хо бол ганц бие аав бөгөөд хүүхдээ өсгөх болон гэрийн ажилд сайн, найрсаг, төлөв төвшин ерөнхийдөө захирлаасаа тэс өөр хүн. Тэдний амьдрал хэрхэн өрнөх бол?

“When The Stars Gossip”

Нээлтийн тов: Нэгдүгээр сарын 4

Жүжигчид: Lee Min Ho, Gong Hyo Jin

Нийт анги: 16
Гон Рён бол эх барих, эмэгтэйчүүдийн эмч бөгөөд М3 гэх хамгийн том компанийн ирээдүйн хүргэн хүү юм. Гэхдээ тэр хэнд ч хэлж болох нууц даалгавартай. Тэрээр энэ нууцаа биелүүлэхийн тулд их хэмжээний мөнгө төлж, сансарт нисдэг. Энэ үед сансрын нисгэгч, шинжлэх ухаанч Ив Ким-тай уулзсанаар үйл явдал өрнөнө. Ив Ким анх удаа сансрын станцад командлагчийн үүрэг гүйцэтгэж байгаа бөгөөд дүрэм журам баримталдаг, алдаа гаргахыг тэвчдэггүй нэгэн. Гэтэл тэд бие биедээ дурласнаар хосуудын адал явдалт хайр дурлалын түүх эхэлнэ.

“The Queen Who Crowns”

Нээлтийн тов: Нэгдүгээр сарын 6

Жүжигчид: Cha Joo Young, Lee Hyun Wook

Нийт анги: 12
Тус кино нь Жусоны үеийн түүхийг харуулах ба улсдаа шинэ ертөнц бүтээхийг хүсдэг Вон Гён хатны тухай өгүүлнэ. Тэрээр нөхөр Ли Бан Вон-ыг хаан ширээнд суухад нь тусалж, хаан төрийн түүхийг бүтээлцэнэ.

“Motel California”

Нээлтийн тов: Нэгдүгээр сарын 10

Жүжигчид: Lee Se Young, Na In Woo

Нийт анги: 12
Жи Кан Хи “Мотел Калифорниа” хэмээх орон нутгийн дэн буудалд төрж өссөн. Тэрээр 20 нас хүрмэгц нутгаа орхин Сөүл рүү явсан билээ. Үүнээс 12 жилийн дараа Кан Хи интерьер дизайнер болон карьерынхаа оргил үед байсан ч ямар нэгэн шалтгаанаар төрсөн нутагтаа буцахыг шийдэж, анхны хайр Чүн Ён Су-тайгаа дахин уулзана.

“Unmasked”

Нээлтийн тов: Нэгдүгээр сарын 15

Жүжигчид: Kim Hye Yoon, Jung Sung Il

Нийт анги: Тодорхойгүй
“Unmasked” нь Солонгосын анхны мөрдөн байцаалтын сэтгүүл зүйн хэлтэст өрнөх оффис хошин драма юм. Энэхүү цуврал нь муу хүмүүсийг илчлэхийн тулд камеруудыг ашигладаг мөрдөн байцаалтын залуусын тухай өгүүлнэ.

“Study Group”

Нээлтийн тов: Нэгдүгээр сарын 23

Жүжигчид: Hwang Minhyun, Han Ji Eun, Cha Woo Min

Нийт анги: 10
Нүдтэй шилтэй, цэвэрхэн арьстай, гэмгүй төрхтэй энэ сурагчийг Юн Га Мин гэнэ. Юн Га Мин шилдэг сурагч болохыг мөрөөддөг ч зөвхөн тулааны урлагт л авьяастай нэгэн. Тэрээр сурлагын амжилтаа сайжруулахаар суралцах бүлэг байгуулж, хүүхдүүдийг элсүүлж эхэлснээр үйл явдал өрнөнө.

“The Trauma Code: Heroes on Call”

Нээлтийн тов: Нэгдүгээр сарын 24

Жүжигчид: Ju Ji Hoon, Choo Young Woo

Нийт анги: 10
Ижил нэрт вебтүүнээс сэдэвлэсэн тус кино нь туршлагатай мэс заслын эмч Бек Кан Хёк болон эмнэлгийн тухай кдрама юм. Бек Кан Хёк эмнэлгийн хүнд гэмтлийн багт нэгдсэнээр, түүний өмнөх нэр хүнд эргэн сэргэнэ.

Эх сурвалж: Asianwiki, Soompi