Энэ сард Netflix-т байрших шилдэг 12 кино

Эрч хүч, өөдрөг сэтгэл, олон сорилтуудаар дүүрэн шинэхэн долоо хоног эхэллээ. Netflix-ийн жагсаалтад адал явдалт, триллер, инээдмийн, гэр бүлийн, анимейшин гээд олон төрлийн сонирхолтой кино нэмэгджээ. Өнөөдрийн нийтлэлээр бид арванхоёрдугаар сард Netflix-т байрших шилдэг 12 бүтээлийн жагсаалтыг хүргэж байна.

Энэ удаагийн жагсаалтад ямар бүтээлүүд багтсаныг хамтдаа сонирхоцгооё!

“Bunk’d”

Нээлтийн тов: Арванхоёрдугаар сарын 1

Тус кино нь өсвөр насныхан үзэхэд тохиромжтой, гэр бүл, найз нөхдийн тухай өгүүлэх цуврал кино юм. Киноны үйл явдалд Эмма, Рави, Зури Росс нар эцэг эхийнхээ анх танилцсан газар болох Майн мужийн Камп Кикивака-д зуныг хөгжилтэй адал явдлаар дүүрэн өнгөрүүлнэ.

“Daddy Day Care”

Нээлтийн тов: Арванхоёрдугаар сарын 1

Ажлаасаа халагдсаны дараа гэртээ хүүхэд асрагч хийдэг аав өдөр өнжүүлэх төв байгуулна. Тэрээр олон хүүхдүүдтэй хөгжилдөж, хамгийн сайн багш байхыг хичээн сонирхолтой олон зүйлээр гэрээ дүүргэдэг.

“Project X”

Нээлтийн тов: Арванхоёрдугаар сарын 1

Эцэг эх нь амралтын өдрүүдээр явсны дараа өсвөр насны хүү хоёр найзынхаа хамт гэртээ үдэшлэг зохион байгуулахаар төлөвлөнө. Энэхүү үдэшлэг тэднийг алдартай болгож, уйтгартай амьдралыг нь өөрчлөх болно хэмээн тэд итгэдэг.

“We’re the Millers”

Нээлтийн тов: Арванхоёрдугаар сарын 1

Хар тамхины наймаачинд төлөх өрөө дарахын тулд мансууруулах бодис зардаг нэгэн байна. Тэрээр хөршүүдээ ятган, хуурамч гэр бүл болж, хил давуулан томоохон ачааг нууцаар тээвэрлэхэд нь туслахыг хүснэ.

“30 for 30: Bad Boys”

Нээлтийн тов: Арванхоёрдугаар сарын 2

Арванхоёрдугаар сарын 2-нд NBA-ийн баримтат олон кино нээлтээ хийнэ. Үүнээс “30 for 30: Bad Boys” киног онцлон хүргэж байна.

Үйл явдалд Исайя Томас болон Деннис Родман зэрэг тоглогчидтой 80-аад оны төгсгөл, 90-ээд оны эхэн үед Дэтройт Пистонс баг NBA-ийн "муу хөвгүүд" гэж нэрлэгдэх болсон тухай өгүүлэх юм.

“The Children’s Train”

Нээлтийн тов: Арванхоёрдугаар сарын 4

1940-аад оны эцсээр Италид үйл явдал өрнөнө. Эх нь ядуурлаас гарах, шинээр амьдрах боломжийг хайж хүүгээ хойд тийш илгээх амаргүй шийдвэр гаргана.

“That Christmas”

Нээлтийн тов: Арванхоёрдугаар сарын 4

Веллингтон Он Си хотод түүхэндээ хамгийн хүйтэн цасан шуурга болно. Үүнээс болж хүн бүрийн төлөвлөсөн ажлуудад өөрчлөлт орно. Үүнд Сантагийн төлөвлөгөө ч багтана.

“Beastars”

Нээлтийн тов: Арванхоёрдугаар сарын 5

Beastars бол Пару Итагакигийн бичиж зурсан Японы манга цуврал юм. Антропоморф амьтдын ертөнцөд ганцаардмал чоно болон эелдэг туулай нарын ээдрээт харилцааг харуулна.

“One Hundred Years of Solitude”

Нээлтийн тов: Арванхоёрдугаар сарын 11

Мөнхийн Макондо хэмээх тосгонд Буэндиагийн гэр бүлийн долоон үеийн амьдралыг өгүүлнэ. Тэд өөрсдийн өнгөрсөн ба хувь тавилангаас зугтаж чадахгүй бөгөөд хайр дурлал, сонирхолтой адал явдлуудаар дүүрэн байх болно.

“Makayla's Voice: A Letter to the World”

Нээлтийн тов: Арванхоёрдугаар сарын 11

Хүүхэд наснаасаа аутизмтай байсан өсвөр насны охин анх удаа үсэглэлийн самбар ашиглан өөрийн дуу хоолойг хүргэж, өөрийгөө илэрхийлэх баяр баясгалант ертөнцийг нээж буй тухай энэ богино хэмжээний баримтат кинонд өгүүлнэ.

“The Six Triple Eight”

Нээлтийн тов: Арванхоёрдугаар сарын 20

Киноны үйл явдал дэлхийн хоёрдугаар дайны үед өрнөнө. Өнгөт арьс эмэгтэйчүүдээс бүрдсэн АНУ-ын цэргийн ангийнхан боломжгүй даалгавар биелүүлэхээр хичээж буй тухай өгүүлнэ. Эл кино нь бодит түүхээс сэдэвлэн бүтээгдсэнээрээ онцлогтой.

“Squid Game 2”

Нээлтийн тов: Арванхоёрдугаар сарын 26

Дэлхий нийтийн үзэгчдийнхээ хүлээлтийг үүсгэж буй алдарт цуврал энэ сард нээлтээ хийх нь ээ.

Киноны эхний ангид Сон Ги Хүн ялагч болж төгсдөг бол энэ ангид түүнээс хойш гурван жилийн дараах үйл явдлыг харуулах юм. Сон Ги Хүн ялагч болсны дараа АНУ явахаа больж тоглоомд дахин орж, шинэ тоглогчдыг үхлийн аюулаас сэргийлэх, тоглоомын ард хэн байгааг мэдэхээр тэмцэж буйгаар үйл явдал өрнөнө.

Эх сурвалж: Netflix