Kendrick Lamar 11-р сарын 22-нд GNX цомгоо гаргажээ. Тус цомогт 12 шинэ дуу багтсан байна. Энэ цомог нь ямар ч урьдчилан зарлагдаагүй байсан ба Drake-тэй хийсэн маргаанаас хэдхэн сарын дараа гарсан юм. Тэгвэл энэхүү цомгоос онцлох зургаан зүйлийг хүргэе.
Цомгийн нэрийг "GNX" гэж нэрлэх болсон шалтгаан
Эхлээд автомашины түүх рүү оръё. 1987 онд Kendrick Lamar төрсөн. Мөн тус онд “Buick” компани Grand National GNX машиныг гаргасан. Энэ машин 0-60MPH хүртэл 5 секундын дотор хурд авах чадвартай байсан ба цөөн тоогоор үйлдвэрлэгдэж байжээ. Гарсан даруйдаа энэ машин хурдтай, ховор, үнэтэй гэдгээрээ алдартай болж байсан.
Шинэ цомгийн зураг дээр Kendrick нь GNX машинтай хамт зогсож байгаа нь өөрийгөө болон машин хоорондын төстэй байдлыг харуулахыг зорьсон бололтой. GNX нь түүхэнд үлдсэн, хүчирхэг, цөөн хувилбар байсан бол Kendrick ч мөн өөрийн уран бүтээлээрээ ховор, өвөрмөц байхыг эрмэлзэж, хөгжмийн салбарт амжилттай замналтай байхыг илэрхийлэхийг зорьжээ.
"Heart" цуврал дууг үргэлжлүүлсэн
GNX цомогт багтсан анхаарал татахуйц дуунуудын нэг бол "Heart Pt 6". Энэ дуу нь түүний "The Heart" цомгийн хамгийн сүүлийн дуу юм. Хэрэв та мэдэхгүй бол "The Heart" цуврал дуу нь Kendrick-ийн гаргасан тусдаа цуврал дуунууд бөгөөд ихэвчлэн том цомог гаргахаас өмнө танилцуулагддаг байсан. Сонирхолтой нь Drake энэ жил "The Heart Part 6" нэртэй өөрийн дууг гаргасан. Гэвч Kendrick "Heart Pt 6" дуундаа өөрийн эрх мэдлийг харуулж “Top Dawg Entertainment” болон “Black Hippy” багийнхаа Schoolboy Q, Jay Rock, Ab-Soul нарын талаар илэн далангүй дурджээ. Энэ нь түүний уран бүтээлийн өвөө хадгалахын чухал байдлыг харуулж байна.
Цомогт хэд хэдэн алдартай зочин уран бүтээлчид орсон. Тэдний хамтралууд хоорондоо их зохицсон байна хэмээн сонсогчид үзэж байна. Энэхүү цомогт хамтарсан зочин уран бүтээлчдийн талаар товч танилцуулвал:
Super Bowl дахь тоглолтын тухай маргаан
GNX цомгийн эхний дуу "Wacced out murals" дээр Kendrick 2025 оны Super Bowl(хөлбөмбөгийн аварга шалгаруулах тэмцээн)-ний тоглолтонд оролцох тухай дурджээ. Учир нь зарим хүмүүсийн үзэж байгаагаар энэ тоглолтонд орох ёстой хүн нь реппер Lil Wayne гэж шуурцгааж байсан. Гэвч Kendrick өөртөө итгэлтэйгээр энэ сэдвийг доорх дууны үгээр илэрхийлсэн байна.
"I held my Rollie chain proud. Irony, I think my hard work let Lil Wayne down. Got the Super Bowl and Nas the only one congratulate me, all these niggas agitated, I’m just glad it’s on they faces." Энэ дууны ишлэл нь Кендрикийн ямар ч гадна дотоодын маргааны эсэргүүцэлтэй байсан ч өөртөө итгэлтэй байхаа илэрхийлж байна гэж үзэж байна.
Kendrick цомог дээрээ хэдхэн продюсертой хамтран ажилласан. Олон трек нь түүний удаан хугацааны хамтрагч Sounwave-ийн продюсерласан бүтээлүүд байсан. Харин бараг бүх дууны продюсерын нэрс дээр Jack Antonoff-ыг оруулсан байна. Энэхүү алдартай продюсер нь “Taylor Swift, Lana Del Rey, Lorde” зэрэг поп одуудтай хамтран ажиллаж байсан ч реп хөгжимд тэрбээр төдийлөн нэр хүндтэй байгаагүй. Гэвч Kendrick-ийн цомог дээр ажиллах нь түүний реп хөгжимд оруулж буй хувь нэмрийг өндөрт гаргах эхлэл болжээ.
"Reincarnated" дуу нь Tupac-ын 1996 оны "Made Niggaz" дуунд дээжлэгдсэн байна. Drake-тэй хийх маргаан эхэлсэн нь түүний AI технологи ашиглан Tupac-ын дуу хоолойгоор сөрөг трек хийсэн явдал байсан. Tupa-гын гэр бүл үүнийг эсэргүүцэн хууль зүйн арга хэмжээ авахыг анхааруулсан. Харин Kendrick түүнд хүндэтгэл үзүүлж, түүний нэр хүндийг сэргээн сайн дуу хийн хариулсан байна.
Эх сурвалж: thefader
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
142
4381
2018-11-07