Аравдугаар сарын нэр хүндийн жагсаалтыг тэргүүлсэн топ 10 дуучин

Өмнөд Солонгос улсын “Бизнес судлалын хүрээлэн”-ээс сар бүр кпоп дуучдын нэр хүндийн жагсаалтыг гаргадаг билээ. Тус жагсаалтыг есдүгээр сарын 24-өөс 10 сарын 24-ны хоорондох хэвлэл мэдээллээр цацагдсан мэдээлэл, шүтэн бишрэгчдийн дэмжлэг зэрэгт дүн шинжилгээ хийн гаргадаг аж.

Аравдугаар сарын нэр хүндийн жагсаалтыг Blackpink хамтлагийн гишүүн Женни 8 сая гаруй оноотойгоор тэргүүлжээ. Ингээд энэ сарын нэр хүндийн жагсаалтыг тэргүүлсэн шилдэг 10 дуучидтай танилцана уу.

1. Blackpink - Jennie

Женнигийн хувьд саяхан аравдугаар сарын 11-нд өөрийн шинэ соло уран бүтээл болох “Mantra” дуугаа цацсан билээ. Одоо ютүб хуудаснаа аль хэдийн 72 сая үзэлтийг аваад байгаа бөгөөд дэлхийн дууны томоохон чартуудад дээгүүр байр эзэлсээр байна. Түүний энэ дуу аравдугаар сарын жагсаалтыг тэргүүлэхэд ихээхэн нөлөөлжээ.

2. Aespa - Karina

Карина бол Aespa хамтлагийн хамгийн анхны соло дуугаа цацсан гишүүн билээ. Тэрээр энэ сарын 9-нд “UP” дуугаа цацсан даруйд Melon болон бусад чартуудыг тэргүүлж, шүтэн бишрэгчдийн урмыг мохоосонгүй. “UP” нь Каринагийн хоолойн чадварыг харуулсан, хэмнэл сайтай, хүчирхэг урам зориг өгсөн дуу юм. Дууны бүжгийн хөдөлгөөн нь Tiktok платформ дээр фенүүдийнх нь дунд аль хэдийнээ челленж үүсгэж, тренд болсоор байна.

3. BTS – J-Hope

“I’m your hope. You’re my hope. I'm.... J-hope"

Энэ үгийг BTS-ийн үнэнч шүтэн бишрэгчид болох арми нар андахгүй мэднэ. BTS хамтлагийн болон фенүүдийнхээ нарны гэрэл, витамин J-hope энэ сарын 17-нд цэргээс халагдсан билээ. Нэг жил гаруй хугацаанд цэргийн албанд татагдаж үүрэгт ажлаа амжилттай биелүүлээд ирсэн түүнийг фенүүд нь баяртайгаар угтан авсан. Цэргээс халагдсаны хэдхэн хоногийн дараа “Kia Champions Field”-д болж буй бейсболын тэмцээний нээлтийг ч хийгээд амжжээ.

4. Astro – Cha Eun Woo

Сар бүрийн нэр хүндийн үзүүлэлтэд үргэлж дээгүүр жагсдаг хүн бол Cha Eun Woo. Хамтлагийн үйл ажиллагаа, жүжигчний карьер, брэндийн модель, зураг авалтад оролцох гээд түүний ажлууд дуусахгүй. Цахим сүлжээнд түүний бичлэг, зургууд “viral” болсоор байна.

5. Blackpink – Rose

“Don’t you want me like I want you, baby
Don't you need me like I need you now
Sleep tomorrow, but tonight, go crazy
All you gotta do is just meet me at the
Apateu, apateu, apateu, apateu, apateu, apateu uh, uh-huh, uh-huh"

Тиймээ яг одоо энэ дуу дэлхийн тренд болж, хаа сайгүй эгшиглэсээр байна. Rose болон Bruno Mars-ийн анхны хамтрал “APT” дуу нь одоо ютүб хуудаснаа 206 сая үзэлтийг давжээ. Эрч хүчээр дүүрэн, цоглог хэмнэл, хөгжилтэй уур амьсгалтай тэдний дуу олон хүнд таалагдсан нь лавтай.

6. IVE – Jang Won Young

Хөөрхөн төрхөөрөө алдартай Жан Вонён аравдугаар сарын нэр хүндийн жагсаалтад зургаадугаар байр эзэлжээ. Вонён Парисын загварын долоо хоногт оролцохдоо тансаг, цэцгэн хээтэй даашинз, хар савхин бээлийгээр гоёсон нь олны анхаарлыг татсан байна.

7. Wanna One – Kang Daniel

Кан Даниел аравдугаар сард өөрийн шинэ уран бүтээлээ танилцуулж, “ACT” гэх мини цомгоо гаргасан. Үүний зэрэгцээ Сөүл хотод анхны бие даасан тоглолтоо амжилттай зохион байгуулж, шүтэн бишрэгчдэдээ гэнэтийн бэлэг барив. “ACT” цомгийн хувьд түүний дотоод ертөнц, сэтгэл хөдлөл, амьдралд тохиолдсон олон туршлагаас санаа аван шинэлэг хэв маягаар бүтсэнээрээ онцлогтой.

8. BTS – Jin

Хэдхэн хоногийн өмнө BTS хамтлагийн гишүүн, том ах Жин “I’ll Be There” гэх соло дуугаа цацсан билээ. Үүнээс хоёр долоо хоногийн өмнө “Super Tuna” дууныхаа хоёрдох бадгийг зохион, клипжүүлж дахин цацсан нь фенүүдээ баярлуулав. Мөн арваннэгдүгээр сарын 15-нд “Happy” нэрт цомгоо гаргах гэж байгаа бөгөөд үүнд Red Velvet хамтлагийн Венди, АНУ-ын дуучин Макс, Take That хамтлагийн Гари Барлоу, Японы One Ok Rock хамтлагийн уран бүтээлчидтэй хамтран ажиллах юм.

9. Blackpink – Jisoo

Жисүгийн хувьд энэ сар “Tommy Hilfiger” брэндийн нүүр царайгаар тодорч, Парисын загварын долоо хоногт зочлон, Нью Йорк хотод шинэ зураг авалтуудад оролцож фенүүдийнхээ анхаарлыг татав. Мөн өөрийн хар өнгийн үсээ намрын улиралтай тохируулан бага зэргийн бор өнгөтэй болгон өөрчилсөн нь түүнийг шинэ дуу эсвэл ямар нэгэн төсөлтэй холбоотой байх гэсэн таамаг яваад эхэлжээ. Тэрээр саяхан “Influenza” киноны зураг авалтаа дуусгасан бөгөөд эл кино ирэх онд нээлтээ хийх аж.

10. Blackpink – Lisa

Аравдугаар сард Лиса хэд хэдэн чухал үйл ажиллагаанд оролцсон билээ. Сарын эхээр “Moonlight Flower” гэх өөрийн шинэ соло дуугаа цацсан нь фенүүдийнх нь дунд багагүй маргаан дэгдээв. Зарим хэсэг нь энэ дууг найз залуу Frédéric Arnault-’даа зориулж гаргасан гэсэн бол нэг хэсэг нь Sixpence None the Richer “Kiss Me” дууг хуулбарласан гэж үзжээ. Гэсэн ч түүний дуу олон хүний сайшаалыг хүртэж байгаа юм. Мөн “Victoria Secret”-ийн нээлтийг хийж, Vogue сэтгүүлийн хэд хэдэн зураг авалтад оролцсон нь цахим орчинд багагүй шуугиан тариад байна.

Эх сурвалж: Soompi