Өсвөр насныхан үзэхэд тохиромжтой 10 аймшгийн кино

Аймшгийн кино үзэж чаддаггүй ч гэсэн “Halloween”-ий баярын уур амьсгалыг мэдрэхийг хүсэж буй өсвөр насныхандаа зориулан дараах арван киног танилцуулж байна. Хэт их аймшигтай биш ч гэсэн айдас төрүүлэм тул сонирхолтой байх болно шүү.

Coraline (2009)

Коралайн кино нь Нил Гайманы ижил нэрт номоос сэдэвлэсэн, харанхуй өнгө аястай хүүхэлдэйн кино юм. Киноны гол дүр болох 11 настай Коралайн охин эцэг эхийнхээ хамтаар хуучин байшинд нүүж ирснээр үйл явдал өрнөнө. Охин байшинд байх нууцлаг хаалгыг олж мэдсэнээр түүнд болон гэр бүлд нь аймшигт аюул тулгарна.

A Quiet Place (2018)

Хүн ямар нэгэн дуу чимээ гаргах төдийд халддаг харийн аймшигт амьтадтай дэлхийд амьд үлдэхээр тэмцэж буй гэр бүлийн тухай өгүүлнэ.

Ли, Эвелин Аббот нар хүүхдүүдтэйгээ хамт байнга чимээгүй байж, гэртээ хивс дэвсэн, хоорондоо харилцахдаа дохионы хэл ашиглана. Гэтэл тун удахгүй тэднийд шинэ хүүхэд төрөх гэж байгаа нь тэдний амьдралд хүнд сорилт болно. Тэд амьд үлдэж чадах болов уу?

Scary Stories to Tell in the Dark (2019)

"Scary Stories to Tell in the Dark" кино нь Alvin Schwartz-ийн аймшгийн цуврал номоос сэдэвлэсэн, өсвөр насныханд тохиромжтой, аймшгийн адал явдалт кино юм. Киноны үйл явдал 1968 онд АНУ-ын жижигхэн хотод өрнөх бөгөөд гол дүрийн хэдэн өсвөр насны хүүхдүүд хаягдсан байшинд нууцлаг ном олдог. Уг ном нь өөрөө бичигддэг бөгөөд бичсэн түүхүүд нь бодит амьдралд хэрэгжиж, уншиж буй хүмүүсийн аминд аюул занал учруулж эхэлдэг.

Киноны явцад түүхүүд амилж, хүүхдүүд аймшигтай мангас, сүнстэй тулгарна. Тэд номын хүчийг зогсоохын тулд байшингийн түүхийг судалж, нууц нь юу болохыг олж мэдэх хэрэгтэй болно.

Goosebumps (2015)

Тус кино нь R.L. Stine-ий алдарт Goosebumps цувралын номоос сэдэвлэсэн адал явдалт, аймшгийн бөгөөд хошин кино юм.

Кинонд Зак хэмээх өсвөр насны хүү ээжтэйгээ хамт шинэ хотод нүүж ирж буйгаар үйл явдал эхэлнэ. Тэрээр хөршийн нууцлаг охин Ханна болон түүний эцэг зохиолч R.L. Stine-тэй танилцдаг. Тэд санаандгүйгээр зохиолчийн номын бүтээлүүдийг амьдруулдаг ид шидийн номыг онгойлгосноор аймшигт мангасууд бодит амьдралд гарч ирж, хот даяар үймээн дэгдээнэ.

Beetlejuice (1988)

Адам, Барбара Мэйтланд нар санамсаргүй байдлаар нас барна. Нас барсныхаа дараа сүнс болсон хосууд өөрсдийн байшиндаа хоргоддог.

Тэдний байшинд шинэ гэр бүл нүүж ирэхэд өөрсдийн аргаар хүмүүсийг явуулж хүчрэхгүй байсан тул аймшгийн ажилд мэргэшсэн Beetlejuice нэртэй сүнснээс тусламж авдаг. Гэсэн ч байдал эсрэгээрээ эргэж Beetlejuice сүнс шинэ айлын охин Лидиятай дотносож, хүн сүнс хоёрын найрамдалтай харилцаа үүснэ.

 The Others (2001)

Грейс хүүхдүүдийн хамт Английн алслагдсан хуучин харшид амьдарна. Тэдний арьс нарны гэрэлд мэдрэмтгий тул бүх цонхыг байнга хаалттай байлгадаг. Дайны улмаас нөхөр нь ор сураггүй болж гүн цочролд орсон Грейс чанга хатуу дэглэмтэй хүүхдүүдээ өсгөнө. Нэгэн өдөр харшид шинэ зарц нар ирж, харшид хачирхалтай зүйлс тохиолдож эхэлснээр үйл явдал өрнөнө.  

"The Others" кино нь тайван боловч хүйтэн, айдас төрүүлэм агуулгатай бөгөөд үзэгчдэд сэтгэл санааны гүнзгий нөлөө үзүүлдэг бүтээл юм.

Monster House (2006)

DJ хэмээх өсвөр насны хүү хөршийнхөө аймшигт, нууцлаг байшинг анзаарснаар үйл явдал эхэлнэ. Уг байшин дотор орсон зүйлс өөрсдөө ор мөргүй алга болдог бөгөөд хөрш айлын эзний хувьд энэ байшин ер бусын зүйлээр дүүрэн гэдгийг DJ мэдэж авдаг.

Halloween-ий баярын өмнөхөн DJ, түүний найз Чаудер, мөн Женни хэмээх охин байшингийн нууцыг тайлахаар оролдож, байшин үнэхээр амьд, аймшигт хүчээр удирдагддаг болохыг олж мэднэ. Энэ нууцыг тайлахын тулд тэд байшингийн аймшигтай өнгөрсөн түүх болон үүний цаана байгаа сүнсний нууцыг илчлэхээр тэмцэнэ.

Corpse Bride (2005)

Киноны үйл явдалд Виктор хэмээх ичимхий залуу сүйт бүсгүй Виктариатай гэрлэхээр бэлтгэж буйгаар эхэлнэ. Гэвч тэрээр сүй тавих ёслолын бэлтгэлийн үеэр сандарсандаа алдаа гаргаж, ойд очин өөрийн амлалтын үгээ давтаж байгаад санамсаргүйгээр "үхмэл сүйт бүсгүй" болох Эмилигийн сүнсийг сэрээнэ.

Эмили Викторыг үхэгсдийн ертөнц рүү авч явж, тэд гэрлэсэн хэмээн итгэдэг. Гэвч Виктор жинхэнэ амьдралдаа буцаж, Виктариатайгаа байхыг хүсдэг.

The Witches (2020)

1960 оны Америкийн нэгэн хотод бяцхан хүү, эмээгийнхээ хамт амьдарна. Нэгэн өдөр тэд тансаг зочид буудалд амрахаар очсон ч тэнд хүүхдүүдийг үзэн яддаг, хүүхдүүдийг хулгана болон хувиргадаг шулмуудын нууц уулзалт болж буйг санамсаргүй байдлаар мэддэг.

Хүү зугтах гэж оролдсон ч чадалгүй хулгана болон хувирна. Гэсэн ч бусад хүүхдүүдийг хулгана болгон хувиргахгүйн тулд бүх чадлаараа тэмцэж буйг өгүүлнэ.

ParaNorman (2012)

Киноны гол дүр Норман Бэбкок хэмээх 11 настай хүү сүнс, зомби, бусад нууцлаг зүйлсийг харж чаддаг өвөрмөц чадвартай. Норман энэ чадвараа сайн ойлгодоггүй бөгөөд ангийнхан болон гэр бүл нь түүнийг жигшүүртэй гэж үздэг.

Норман нэгэн өдөр өөрийн чадвараа ашиглан сүнснүүдийн түүхийг тайлан сэрээж, зомбинуудаас хамгаалах шаардлагатай болно. Энэ үед түүний найз нөхөд болон гэр бүл нь Норманы хүч чадлыг ойлгож, хамтран аюултай адал явдалд оролцохоор шийддэг.